iPad Mini Case, որն ավելացնում է շոշափելի ստեղներ Ձեր Ipad-ին յուրահատուկ ճանապարհով

0

Apple-ի կողմից առաջարկվող սարքերը անընդհատ փոխում են համակարգիչներից օգտվելու մեր ձևը: Սակայն դա չի փոխում ֆիզիկապեսշոշափելի ստեղնաշարից օգտվելու ցանկությունը, ինչին մենք վաղուց ենք սովոր: Tactus կոչվող սթարթափը հենց դա է հաշվի առել՝ ներկայացնելով մեզ Phorm-ը:

Phorm-ը iPad mini-ի software ստեղնաշարին տալիս է շոշափելի լինելու զգացողություն: Կազմակերպության հիմնադիրները նպատակ են ունեցել ստեղծել մի տեխնոլոգիա, որը թույլ կտա հարթ մակերեսի վրա առաջացնել ֆիզիկական ստեղներ: Սա ճանապարհ է բացում հպումով աշխատող հարթ մակերես ունեցող, ինչպես նաև ցանկացած պահին ֆիզիկապես շոշափելի ստեղնաշարով աշխատող սարքերի համար:

iPad-Mini-case

Այս տեխնոլոգիան աշխատում է միկրոֆլյուիդ վահանակով, որն անտեսանելի ճանապարհներով մղում է հեղուկը touch վահանակի անհրաժեշտ հատվածներ, որպեսզի մեծացնի կոնկրետ կետերի ծավալը: Ինչն էլ, իր հերթին առաջացնում է մակերեսի ուռուցիկություններ: Phorm-ը չի նպաստում iPad mini-ի ծավալի աճին, քանի որ ինքնին շատ բարակ և դիմացկուն է:

Phorm-case-1024x571

Այս case-ն ապահովում է նաև որոշակի ստեղների առաջացման համար նախատեսված սխեմա: Այն հնարավոր է անջատել կամ միացնել հետևի մասից: Ammunition-ը նախկինում համագործակցել է Beats-ի հետ hardware-ների ոլորտում և այժմ նախագծել է այս նորարարությունը, որի հիմնական հատկանիշը ստեղների յուրահատուկ աշխատանքն է, որոնք, ընդ որում, մեխանիկական չեն:

Phorm-ը նախատեսվում է թողարկվել այս ամառ 149 դոլար գնով: Սակայն, նրանք ովքեր կցանկանան նախօրոք պատվիրել, կարող են այն ձեռք բերել 99 դոլարով՝ խնայելով 50 դոլար:

 

Share.