iPhone 8-ը ներկայացվելու է նոր գունային տարբերակով

0

Համաձայն ամենաթարմ լուրերի՝ նորագույն  iPhone-ը լինելու է առավել փայլուն քան երբևէ:

Բացի ավանդական գունային տարբերակներից Apple-ը իր նոր հեռախոսը նախատեսում է ներկայացնել նաև դեռևս նմանը չունեցող արտացոլող հայելային արտաքին մոդելով:

Ընդհանուր առմամբ iPhone 8-ը ունենալու է չորս գունային տարբերակ ըստ Բենջամին Գեսկինի, ով էլ ներկայացրել է մանրամասներ նոր մոդելի մասին:

iphone-8-main

Այս լուրը հաստատվել է նաև Apple-ի վերլուծաբան Մինգ-Չի Կուի կողմից, ով նշում է, որ նոր՝ հայելային մոդելը նպատակ ունի արդարացնել iPhone-ի գնի աճը և միևնույն ժամանակ առանձնացնել iPhone 8-ը iPhone 7s-ից, որը ևս նախատեսվում է թողարկվել գրեթե նույն ժամկետներում:

Apple-ը վերջին տարիներին թողարկած իր բոլոր հեռախոսների հետ ներկայացրել է նոր գունային տարբերակ, և ներկա iPhone 7-ը արդեն հասանելի 6 տարբեր գույներով, ներառյալ հատուկ թողարկման Product RED edition-ը՝ կարմիր գույնով և Jet Black-ը:

maxresdefault

Գեսկինը չի հայտնում, թե ինչպիսին են լինելու մնացած երեք գունային տարբերակները, սակայն շատ հավանական է, որ արդեն գոյություն ունեցող գույներից առնվազն մեկը՝ սևը, արծաթագույնը, ոսկեգույնը կամ վարդագույնը, հասանելի կլինեն iPhone 8-ի դեպքում:

Apple-ը պատրաստվում է թողարկել iPhone 8-ը այս տարի, գրեթե միաժամանակ փոքր-ինչ պակաս թանկարժեք և նորարար iPhone 7s-ի հետ միասին: Ակնկալվում է, որ նոր սարքը դիզայնի առումով ամենռադիկալ փոփոխված մոդելն է լինելու բոլոր iPhone-ների շարքում: Այս պահին դեռևս հայտնի է, որ էկրանի շուրջ չեն լինելու կորպուսի ծայրեր, էկրանը հագեցած է լինելու նոր տեխնոլոգիաներով, փոփոխության է ենթարկվելու տեսախցիկը և բացակայելու են home button-ն ու մատնահետքի սենսորը:

wAdsXZX4MqB5Zo7iZDELue

Share.