Հավելվածները սմարթֆոնի տեսախցիկով կորող են գաղտնի կերպով հետևել Ձեզ։

0

Ներկայումս, գրեթե անհնար է տեղյակ լինել բոլոր հնարավոր միջոցների և ճանապարհների մասին, որոնց օգնությամբ մեր սիրելի սարքերը՝ օրինակ սմարթֆոննեը, կարող են գաղտնալսել կամ հետևել մեզ։

Մեզանից շատերը պարզապես համակերպվել են այս նոր իրականությանը, բայց, բարեբախտաբար, կան շատերը, ովքեր զգոն են և փորձում են ամեն ինչ անել, որպեսզի մեր բոլորիս գաղտնիությունը չխախտվի։

Նման դեպք է տեղի ունեցել այս շաբաթ, երբ Google-ի ծրագրավորող Felix Krause-ը իր բլոգում ներկայացրել է տագնապալի ճշմարտությունը iOS հավելվածների մասին, որոնք հնարավորություն ունեն օգտվել հեռախոսի տեսախցիկից: Krause-ի տվյալներով, անհրաժեշտ թույլտվությունը ունեցող այս ծրագրերը տեխնիկապես կարող են ցանկացած պահի գաղտնալսել օգտատերին՝ լուսանկարել և տեսագրել, անկախ նրանից, թե արդյոք լուսնակարելու կամ վիդեո ձայնագրելու կոճակը սեղմվել է, թե ոչ։

Սակայն սա ամենը չէ: Krause-ը պնդում է, որ հավելվածները կարող են մուտք գործել ինչպես առջևի, այնպես էլ հետևի տեսախցիկները և անմիջապես ներբեռնել արդեն իսկ արված լուսանկարները կամ վիդոները որևե կայքում։

Այժմ դուք, հավանաբար, մտածում եք, թե ինչ կարող եք անել այս ամենից խուսափելու համար։ Առաջին հնարավոր տարբերակը կլինի փակել թույալտրվությունը կամ հեռացնել բոլոր այն ծրագրերը, որոնց դուք ժամանակին թույլտվություն եք տվել անհրաժեշտության դեպքում օգտվել տեսախցիկից: Այս սահմանափակումը միակ աշխատող տարբերակը չէ, մյուս մեթոդը տեսախցիկը ծածկելն է։

Հակառակ դեպքում, Apple-ը պետք է փոխի, գաղտնիության ամբողջ համակարգը նման երևույթները կանխելու և անհնար դարձնելու համար:

Լավ նորությունն այն է, որ Krause-ը արդեն իսկ ներկայացրել է այս խնդիրը Apple-ին, ուստի մնում է սպասել և տեսնել, թե առաջիկա ամիսների ընթացքում արդյոք տեղի կունենա որևէ փոփոխություն, թե ոչ։ Իսկ մինչ այդ, բոլորին խորհուրդ ենք տալիս նախքան ցանկացած հավելվածի դեպի ֆոտոխցիկի թույլտվություն շնորհվելը մի լավ մտածել։

Share.