Apple-ը ստիպված կլինի հետաձգել iPhone 8-ի արտադրությունը

0

Վերլուծաբանները կանխատեսում են, որ Apple-ի հաջորդ սմարթֆոնի՝ iPhone 8-ի, թողարկումը կարող է հետաձգվել որոշ խնդիրների պատճառով:

Չորեքշաբթի օրը վերլուծաբաններ Wamsi Mohan-ը և Stefano Pascale-ը հաղորդել են ներդրողներին, որ Apple-ի առաջատար սմարթֆոնի մեկնարկը կարող է հետաձգվել երեք-չորս շաբաթվով «տեխնոլոգիական խնդիրների պատճառով»:

Վերլուծաբանները նշել են, որ Apple-ը աշխատում է այդ խնդրի շուրջ իր գործընկերների հետ միասին: Ըստ ինֆորմացիայի արտահոսքի Apple-ը նախատեսում էր ներկայացնել սմարթֆոնը սեպտեմբերին, սակայն վերլուծաբանները ենթադրում են, որ սմարթֆոնը կարող է թողարկվել ոչ շուտ, քան հոկտեմբերին։

Վերլուծաբանների կարծիքով, ովքեր այցելել են ընկերության մատակարարման մասնաճյուղը, գոյություն ունի արտադրական խնդիր iPhone-ի մատնահետքի սենսորի և 3D-սկանավորման տեխնոլոգիա հետ:

Մատնահետքի սենսորը նախկինում արդեն իսկ օգտագործվել է ընկերության կողմից սմարթֆոններում, սակայն 3D- սկանավորման տեխնոլոգիան նորույթ է, որը սկանավորելով օգտատերի դեմքը հաստատելու է անձի ինքնությունը համար և թույլ տալու օգտվել iPhone-ից։

Ցավոք, դեռևս մնում է անհայտ թե երբ Apple-ը և նրա գործընկերները կկարողանան լուծել նոր iPhone-ի խնդիրները: Բացի այդ ընկերությունը նույնպես չի ներկայացել պաշտոնական հայտարարությամբ թողարկման ժամկետի հետաձգման վերաբերյալ: Եթե սմարթֆոնի մեկնարկը հետաձգվի, ապա դա կարող է մեծ վնաս հասցնել Apple-ի շահույթին։ Այս խնդիրները կստիպեն նրանց կրճատել iPhone-ի կանխատեսված վաճառքների քանակը իջեցնելով այն մինչև 208.1 միլիոն սմարթֆոն (այնինչ սկզբնապես ակնկալվում էր 219.1 միլիոն)

Share.