iPhone 8-ը և iPhone-ի պատմությունը։

0

Բոլորս անհամբեր սպասում ենք Apple-ի նոր սմարթֆոնի՝ iPhone 8-ը, շնորհանդեսին, որը,  ըստ նախնական տվյալների, կայանալու է սեպտեմբերի 12-ին։ Այս տարի ընկերությունը նշում է iPhone-ի տասնամյակը, այնպես որ ակնկալվող սմարթֆոնը կրելու է արմատական փոփոխություններ և ունենալու է ռադիկալ կերպով տարբերվող դիզայն։ Ըստ որոշ տեխնոլոգիական լրատվամիջոցների տվյալների, iPhone 8-ը ունենալու է անլար լիցքավորման համակարգ, դեմքի ճանաչման սենսոր, «ծայրից ծայր» էկրան, որի արդյունքում էլ home կոճակը բացակայելու է: Իր նոր «հեղափոխական սմարթֆոնից» բացի 2017-ի սեպտեմբերին Apple-ը նախատեսում է թողարկել նաև երկու այլ սմարթֆոններ՝ iPhone 7s-ը և 7s Plus-ը։

Սակայն եկեք չմոռանանք iPhone-ի ողջ պատմությունը և վերադառնանք 10 տարի հետ։

start

2007 թվականի սկզբին Սթիվ Ջոբսը աշխարհին ներկայացրեց ամենաառաջին iPhone-ը, որը նախատեսված էր հեղափոխել հեռախոսների ողջ պատմությունը և ձևավորել սմարթֆոնների այնպիսի արտադրություն, որը կշարունակվի առայսօր:

Ինչպես ձեզանից շատերը կհիշեն, առաջին iPhone-ը իրենից ներկայացնում էր 3,5 դյույմանոց բազմաֆունկցիոնալ դիսփլեյով սմարթֆոն, որը ուներ սենսորային օպտիմալացված ծրագրային ապահովում։ Ներկառուցված Multi Touch առանձնահատկությունը հեղափոխական նորարարություն էր, որը Սթիվ Ջոբսը իր ելույթի ժամանակ անվանել է «magic» (հրաշք):  Այս սմարթֆոնը, ի տարբերություն, շուկայում առկա մնացած սարքերի, եզակի էր և չուներ իր նմանակին: Վերջին յոթ տարիների ընթացքում Apple-ը կատարելագործել է իր iPhone-ը՝ դարձնելով այն, ինչ տեսնում եք այսօր՝ iPhone 7։

Apple-ը, օգտագործելով մետաղի, պլաստիկի և ապակու համադրությունը, ստեղծեց ժամանակակից սմարթֆոն: Խոշոր վերափոխումները արդեն իսկ ակնհայտ էին ընկերության կողմից արտադրված iPhone 4 և iPhone 5 սամրթֆոնների մոդելներում, երբ Apple-ը, կոտրելով բոլոր սահմանները, հանրությանը ներկայացրեց եզակի նմուշներ: Հետագայում, երբ սմարթֆոնների արտադրությունը տեղափոխվեց ավելի «մեծ էկրանների» դարաշրջան, Apple-ը թողարկեց iPhone 6-ը և iPhone 6 Plus-ը:

Իսկ այս տարի սպասում ենք ընկերության հաջորդ գլուխգործոցին՝ iPhone 8-ին, որը ամենայն հավանականությամբ, կլինի Apple-ի ամենաթանկ սմարթֆոնը, որի արժեքը ԱՄՆ-ում հասնելու է 1000 դոլարի, իսկ Մեծ Բրիտանիայում կկազմի 800 £:

Ստորև ներկայացված է Apple ընկերության սմարթոնների լիարժեք ցանկը և վերջինների թողարկման տարեթիվը։

Սմարթֆոնի մոդելը Թողարկման ամսաթիվը
Original Նոյեմբերի 9 2007 թ․
3G Հուլիսի 11 2008 թ․
3GS Հունիսի19  2009 թ․
4 Հունիսի 24 2010 թ․
4S Հոկտեմբերի 14 2011 թ․
5 Սեպտեմբերի 21 2012 թ․
5S/5C Սեպտեմբերի 20 2013 թ․
6/6 Plus Սեպտեմբերի 19 2014 թ․
6s/6s Plus Սեպտեմբերի 25 2015 թ․
SE Մարտի 31 2016 թ․
7

Սեպտեմբերի 16 2016 թ․

 

Share.