Համացանցում հրապարակվել են iPhone SE 2-ի լուսանկարները։

0

Համացանցում հրապարակվել է Apple ընկերության ամենաբյուջետային iPhone SE՝ երկրորդ սերնդի սմարթֆոնի իրատեսական պատկերները։

Սմարթֆոնը ներկայացնող տեսանյութից ու լուսանկարներից պարզ է դառնում, թե ինչ տեսք կստանա նոր iPhone SE 2-ը։

Ինչպես երևում է հրապարակված տեսանյութում iPhone SE 2-ը արտաքնապես նման է իր նախորդ տարբերակին, սակայն սմարթֆոնի նոր մոդելի էկրանի չափսը ավելի մեծ է նախորդից։ Վերջինս 4,2 դյույմ է։ Հավանական է, որ սմարթֆոնի կորպուսի չափսերը կմնան նույնը`իսկ էկրանի չափսը կմեծանա էկրանը շրջանակող եզրագծերի նեղացման շնորհիվ:

Ինչպես գիտեք, iPhone SE սմարթֆոնի կորպուսը ամբողջովին այլումինից էր, սակայն այս անգամ սարքը ստացել է ապակյա ետնաշերտ, ինչպես iPhone X-ը: Չնայած սմարթֆոնը iPhone X-ին նմանեցնելու այս քայլին, դեռևս անհայտ է մնում, արդյոք գաջեթը կհամալրվի դեմքերի ճանաչման Face ID համակարգով, թե ոչ:

Աչքի ընկնող մյուս տարբերությունը այն է, որ սարքի դիմային հատվածում բացակայում է Home կոճակը՝ մատնահետքերի սենսորով։

Բացի այդ սմարթֆոնը զրկվել է ականջակալների համար նախատեսված 3.5 մմ-անոց անցքից:

Տեխնիկական բնութագրից հայտնի է, որ սմարթֆոնի հիմքում ընկնած է A10 Fusion պրոցեսորը, որով համալարված են նաև մեծ պահանջարկ վայելող iPhone 7-ը և 7 Plus-ը։ Նշենք, որ A10 Fusion-ը 40%-ով ավելի արագ է, քան iPhone SE մոդելում օգտագործված A9 պրոցեսորը։

Ըստ նախնական տվյալների, սմարթֆոնը համալրված կլինի 2 GB օպերատիվ հիշողությամբ և 32 GB (կամ 128 GB) ներքին հիշողությամբ և 12 megapixel հնարավորությամբ օժտված հիմնական տեսախցիկով։ Բացի այդ կունենա անլար լիցքավորման հնարավորություն է։

Սմարթֆոնի մեկնարկի և արժեքը մասին դեռևս հստակ տեղեկություններ չկան։ Որոշ աղբյուրներում նշվում է, որ Apple-ը հնարավոր է ներկայացնի նոր սմարթֆոնի մոդելի 2018 թվականի մայիսին: Նախնական հաշվարկներով սմարթֆոնը կարժենա մոտավորապես 500 դոլար:

iphone-se-4212

Share.