iPhone-­ի գողերը հագնված են եղել որպես Apple­-ի աշխատակիցներ, եւ սա առաջին դեպքը չէր

0

Խելացի՞՝ այո: Օրիգինա՞լ՝ ոչ: Հավանաբար բոլորը, ովքեր գրանցված են Improv Anywher-ին, տեսել են վիդեոներ, թե ինչպես են կատակասերները իրենց ներկայացնում որպես խանութի աշխատակից՝ հագնելով նրանց համազգեստին նման հագուստ:

Ինչ վերաբերում է Apple-ին, ապա այն ևս ունի բավականին հասարակ համազգեստ՝ գունավոր շապիկ Apple-ի փոքր լոգոյով: Չնայած, որ թվում է, թե խանութի աշխատակիցները պիտի մրցակցեն միմյանց հետ, երբ հաճախորդ է մտնում խանութ, պարզվում է, որ բոլոր մասնաճյուղերում չէ, որ այդպես է:

Ինչպես հաղորդում է DNAinfo-ն՝ մի մարդ՝ հագնված որպես Apple Store -ի աշխատակից, մտել է Apple-ի խանութ Մանհեթենի Սոհո թաղամասում: Նա գնացել է ուղիղ դեպի էլէկտրոնիկայի վերանորոգման սրահ, դարակից վերցրել 19 iPhone, փոխանել դրանք իր հանցակցին, և նրանք երկուսով դուրս են եկել խանութից՝ արդեն 16,130 դոլարով ավելի հարուստ:

Սակայն սա եզակի դեպք չէր: Իրականում, նման դեպքեր Apple-ի այլ խանութներում այս տարի արդեն գրանցվել էին: Ինչպես մարտ ամսին հաղորդում էր New York Post-ը՝ Մանհեթենի Upper West Side-ում գտնվող Apple-ի խանութը ենթարկվել էր նույն խարդախությանը: Առաջին անգամ գողը հափշտակել էր $5,300 ընդհանուր արժողությամբ iPhone-ներ, երկրորդ անգամ երեք գող՝ $44,000 արժողությամբ 59 iPhone:

Խանութի աշխատակիցները չեն հասկացել, թե ինչ է կատարվել և մինչև կանչվել են անվտանգության աշխատակիցները, արդեն ուշ է եղել, որևէ բան ձեռնարկելու համար: Մնաք բարո՜վ iPhone-ներ:

Հետաքրքիր է, թե ինչ միջոցներ կձեռնարկի Apple-ը, որպեսզի ուժեղացնի խանութների անվտանգությունը: Ահա մեկ գաղափար՝ բարդ չի լինի խանութի բոլոր աշխատակիցներին տրամադրել Apple-ի բեյջեր, այդպես չէ՞:

Share.