iPhone X-ի չինական կրկնօրինակը արդեն իսկ շուկայում է։ Արժեքը՝ 80 դոլար։

0

Ընդամենը մեկ շաբաթ է մնացել, որպեսզի iPhone X-ի նախնական պատվերները առաքվեն պատվիրատուներին, սակայն շուկայում արդեն հայտնվել է iPhone X-ի չինական կրկնօրինակը։

Օրերս Հոնկոնգում կայացած «Global Sources electronics 2017» միջոցառման ժամանակ Hotwonder անունով տեղական ընկերությունը ներկայացրել է Symbol S3 սմարթֆոնը, որը արտքանապես գրեթե ոչնչով չի տարբերվում iPhone X-ից։ Առաջին հայացքից աչքի ընկնող միակ տարբերությունը էկրանի շրջանակի գույնն է, որը ոչ թե սև է, այլ սպիտակ։

Symbol S3 սմորթֆոնը պատրաստված է մետաղից և ապակուց։ Այն հասանելի է երեք գունային տարբերակներով՝ սև, ոսկյա և սպիտակ:

Hotwav-Symbol-S3

Սակայն, ինչպես նշեցինք, այս սմարթֆոնը iPhone X-ին նման է միայն արտաքնապես, իսկ ֆունկցիոնալությամբ ու տեխնիկական պարամետրերով ամբողջովին տարբերվում է օրիգինալից։

Symbol S3-ը հասարակ 4G սմարթֆոն է, որը աշխատում է Android 8.0 Oreo օպերացիոն համակարգով: Այնպես որ, այս նոր սմարթֆոնը IOS օպերացիոն համակարգի սիրահարների համար չէ։

Եթե խոսենք տեխնիկայի բնութագրերից, ապա ի տարբերություն iPhone X-ի 5.8 դյույմանոց OLED էկրանին Symbol S3-ը ունի 6 դյույմանոց 1,440×720 IPS էկրան: Տեսախցիկները չորսն են՝ երկուսը տեղադրված են առջևի հատվածում (2 և 5 մեգապիքսել), իսկ մյուս երկուսը՝ հետևի (2 և 13 մեգապիքսել)։ Նշենք նաև, որ սմարթֆոնը ունի MediaTek MT6739 պրոցեսոր (1.3GHz, 4x Cortex-A53, dual-LTE) 2 GB օպերատիվ հիշողություն և 16 GB պահեստային հիշողություն, ինչպես նաև 2900 մԱ/ժ մարտկոց:

Սմարթֆոնը առաջարկում է նաև դուալ SIM քարտի հնարարվորություն։

Իհարկե կասկածներ չկան, որը չինական արտադրության այս սմարթֆոնը վաճառվելու է iPhone X-ի գնից մոտ 10 անգամ ավելի ցածր գնով։

Չինաստանում սմարթֆոնի արժեքը կկազմի մոտավորապես 80 դոլար:

15084066969318121886334-jpt

Share.