iPhone X-ը հնարավոր է, որ շուկայում հայտնվի մարտ ամսին

0

Այս տարի ամենից շատ սպասված սմարթֆոնը՝ iPhone X-ը, մեծ պահանջարկի պատճառով, հնարավոր է որ շուկայում հայտնվի միայն մարտ ամսին։

Սեպտեմբերին կայացած Apple-ի միջոցառման ընթացքում ընկերությունը պնդում էր, որ iPhone X-ի նախնական պատվերները կսկսվեն ընդունվել հոկտեմբերի 27-ից, իսկ առաքումը կսկսվի նոյեմբերի 3-ին: Սակայն, քանի որ սմարթֆոնը սահմանափակ քանակությամբ է արտադրված, ընկերությունը կդժվարանա պահել իր խոստումը և առաքել սմարթֆոնը նոյեմբերի 3-ին, եթե հաշվի առնենք, որը Apple-ը արդեն իսկ հասցրել է ստանալ iPhone X-ի միլիոնավոր նախնական պատվերներ:

Իհարկե, iPhone 8 և iPhone 8 Plus-ը վաճառքի են հանվել սեպտեմբերի 22-ից, սակայն ապառողի հետաքրքրությունը դեպի iPhone 8-ը նախորդ տարիների համեմատ շատ ավելի ցածր է, քանի որ գնորդների մեծ մասը անհամբեր սպասում է iPhone X-ին, որն ունի 5.8 դյույմանոց էկրան, դեմքի ճանաչման սենսոր և մի շարք այլ նոր առանձնահատկություններ։

Ըստ ինֆորմացիայի արտահոսքի iPhone X-ի արտադրությունը  ընթանում է շատ դանդաղ: Հետաձգման պատճառը հանդիսանում է TrueDepth տեսախցիկի համակարգը, որը անհրաժեշտ է Face ID ֆունկցիա գործունեության համար։

iPhone-X-front-cameras-1024x576

IPhone X-ի արտադրության հարցում խնդիր առաջացրած մյուս բաղադրիչը OLED էկրանն է:

Այս ամենից ելնելով, Apple-ի նախկին վերլուծաբան Gene Munster-ը պնդում է, որ iPhone X-ը չի կարող հայտնվել շուկայում հունվարից ավելի շուտ: Այնինչ, վերլուծաբան Jan Dawson այն կարծիքին է, որ iPhone X-ը կառաքվի սկսված 2018 թվականի մարտից:

Հարկ ենք համարում նշել, որ եթե iPhone X-ը հսկայական քանակությամբ հասանելի լինի արդեն իսկ նոյեմբերին, ապա այն բացասական կերպով կանրադառնա iPhone 8-ի և iPhone 8 Plus-ի վաճառքի վրա։ Այնպես որ, iPhone X-ի արտադրության խնդիրը կարող է օգնել ընկերությանը iPhone 8-ի և iPhone 8 Plus-ի վաճառքի հարցում։

Share.