Ինչքան է iPhone X-ի իրական գինը։

0

Երկար սպասված iPhone X-ը արդեն վաղուց ժամանել է, սակայն խոսակցությունները այն մասին, թե սմարթֆոնը ինչքան թանկ է դեռևս շարունակվում են։ Ինչպես գիտեք, աշխարհի 55 երկրներում՝ նոյեմբերի 3-ին վաճառքի մեկնարկված iPhone X-ի գինը սկսվում է 1000 դոլարից, բայց, իհարկե, կախված տարածաշրջանից վերջինիս արժեքը կարող է տատանվել։ Սակայն նոր iPhone ձեռք բերելուց առաջ երբևէ մտածե՞լ եք, թե ինչքան է վերջինիս իրական գինը: Պատասխանը իսկապես կարող է զարամացնել Ձեզ։

Մասնագետները հաշվի առնելով բոլոր բաղադրիչները ներկայացրել են Apple-ի նոր մոդելի՝ iPhone X-ի, իրական արժքը։

Այսպիսով, ըստ IHS Markit հետազոտական ընկերության փորձագետների հաշվարկի, 64 GB պահեստային հիշողությամբ iPhone X բազային մոդելի արժեքը կազմում է ընադմենը 370.25 դոլար։

Փորձագետները նշում են, որ սմարթֆոնի ամենաթանկ բաղադրիչը հանդիսանում է Samsung-ի արտադրության 5,8-դյույմանոց OLED-դիսփլեյը, որի արժեքը կազմում է մոտավորապես 65 դոլար։

Սակայն ինչու է, iPhone X-ի ինքնարժեքը 45%-ով ավել է, քան այս տարի թողարկված Apple-ի մյուս նոր սմարթֆոնի` iPhone 8-ի արժեքը, որը, ըստ վերլուծաբանների, կազմում է 255.16 դոլար (64 GB պահեստային հիշողությամբ iPhone 8-ի մեկնարկային գինը՝ 699$): Հավելենք նաև, որ iPhone Plus-ի բաղադրիչների արժեքը չի գերազանցում 288 դոլարը:

IPhone 8-ի և iPhone X-ի միջև գոյություն ունեցող գնային այս տարբերությունը ($122) էապես կապված է hardware-ի հետ, քանի որ Apple-ը կրկնակի է վճարում պրեմիում բաղադրամասերի համար, որոնք օգտագործում են iPhone X-ում՝ բացառիկ և գերժամանակակից առանձնահատկությունների համար։ IPhone X-ի նման առանձնահատկություներից, օրինակի համար կարելի է նշել Face ID-ն, որը օգտագործում է True Depth Camera, ինչը ավելացնում է ինքնարժեքը 16,70 դոլարով: Բացի այդ սմարթֆոնի փայլուն կորպուսը (60$), որը մոտ $ 10-ով թանկ է iPhone 8-ի կորպուսից։

596803

Share.