Գնել, թե չգնել iPhone X։ iPhone X-ը գնելու և չգնելու պատճառները։

0

Apple-ի երկար սպասված iPhone X-ը արդեն իսկ հայտնվել է որոշ մանրածախ խանութներում: Ինչպես գիտեք, սմարթֆոնը, որի արժեքը լինելու է 1000 դոլարից ոչ պակաս, համալրված է բազում նոր տեխնոլոգիաներով (ինչպես օրինակ Face ID-ն՝ դեմքի ճանաչման սենսորային համակարգը)։ Իհարկե, շատ շատերը կարծում են, որ սմարթֆոնի վրա այդքան մեծ գումար վատնելը խելամիտ չէ, այլ կերպ ասած անիմաստ ծախս է, մինչդեռ iPhone-ի երկրպագունները պատրաստ են նույնիսկ ավել գումար վճարել՝ ինչքան հնարավոր է շուտ նոր iPhone X-ը ձեռք բերելու համար։ Սակայն եկեք այս հարցին մոտենանք տեխնիկական կողմից և քննարկենք սարքի թե դրարական, թե բացասական կողմերը։

Այսպիսով ստորև կներկայացնենք iPhone X-ը գնելու և չգնելու բոլոր պատճառները։

Ինչու է պետք գնել iPhone X

«Հոբելյանական»  սմարթֆոն

Եկեք չմոռանանք, որ iPhone X-ը Apple ընկերության տասնամյակին նվիրված «հոբելյանական»  սմարթֆոն է, որը դարձնում է այն յուրահատուկ եթե ոչ բոլորի, ապա առնվազն Apple-ի կամ iPhone-ի երկրպագուների համար: Բացի այդ, ի տարբերություն Apple-ի նախորդ շարքի iPhone-ների՝ 6, 6S, 7, 8,  այն առաջարկում է հեղափոխական նոր դիզայն:

Դեմքի ճանաչման սենսոր

iPhone X-ի մյուս նշանավոր առավելությունը FaceID-ն է, որը փոխարինում է TouchID-ին։ Նշենք, որ սա առաջին սմարթֆոն է, որը օժտված է դեմքի ճանաչման սենսորով: Ձեր iPhone-ը unlock անելու նոր եղանակները, ինչպես պնդում է Apple-ը շատ ավելի հարմարավետ է և անվտանգ:

Էկրանը

iPhone X-ն աչքի է ընկնում իր 5.8 դյույմանոց OLED էկրանով, որը հիանալի տեսք ունի: Դա միակ iPhone-ն է, որը օժտված է OLED էկրանով: iPhone X-ի SuperRetina էկրանը ունի 458 ppi 2436 x 1125 բանաձև։ Ինչպես նաև աջակցում է HDR և DolbyVision։

Portrait Mode կամ դիմանկարի ռեժիմ

iPhone X-ում առկա է Portrait Mode-ը, որը լուսնկարին տալիս է լուսավորման հատուկ էֆֆեկտներ։ Սա նշանակում է, որ օգտվողները կարող են պրոֆեսիոնալ լուսանկարներ ստանալ։ Օգտատերերը ստանում են հինգ տարբեր լույսի էֆեկտներ` բնական, ստուդիայի, կոնտուրային, բեմի և մոնո: iPhone X-ի տեսախցիկները 12MP և 7MP են։ Այն առաջարկում է 4K վիդեո ձայնագրություն և նոր Quad- LED True Tone Flash։

Animojis

Եվս մեկ նորարություն։ Animojis-ները սմայլիկներ են, որոնք կարող են կրկնօրինակել օգտատերերի դեմքի արտահայտությունները՝ օգտագործելով առջևի տեսախցիկը։

Ինչու չարժի գնել iPhone X

Արժեքը

Իհարկե ամենամեծ հիասթափությունը գինն է: Apple iPhone X-ի մեկնարկային գինը իսկապես բավականին թանկ: Այն ոչ միայն ամենաթանկարժեք iPhone-ն է, այլ ներկա պահին շուկայում ամենաթանկ սմարթֆոնը:

Պրոցեսորը

Apple-ի այս տարվա բոլոր երեք iPhone-ննեը՝ iPhone 8, iPhone 8 Plus և iPhone X-ը, աշխատում են նույն A11 պրոցեսորով: Երեքն էլ աշխատում են Apple-ի վերջին 10nm A11 Bionic չիպով և վեց միջուկանի CPU-ով։

Ինտերֆեյսը

Iphone-ը միշտ հայտնի է եղել իր պարզ ինտերֆեյսով: Բայց iPhone X-ում FaceID-ի և Home Button-ի վերացման հետ ինտերֆեյսը փոփոխվել է։ Հավելվածները բացվում են նոր եղանակ, սքրինշոթը արվում է այլ կերպ և այլն։ Այս ամենը նշանակում է, որ օգտվողները պետք է սովորեն նոր UI-ին, որը սկզբնական շրջանում կարող է բարդ լինել։

Ապակյա դիզայն

iPhone X-ը ամբողջովին ապակյա է, ինչը նշանակում է, որ օգտվողները պետք է զգույշ լինեն։ Եվ, ինչպես հայտնի է դարձել կոտրված ապակու փոխարինում կամ վերանորոգումը շատ թանկ է։

Ահա բոլոր այն գլխավոր կետերը, որ անհրաժեշտ է հաշվի առնել iPhone X-ը գնելիս, իսկ ընտրությունը իհարկե թողնում ենք Ձեզ։

IMG_0731_trans_NvBQzQNjv4Bqgo39pNpFMM7pPWHPnmqV_P-N-8pjdtmcRb_Oi6UnKX461477292.cms

Share.