iPhone-ը 10 տարեկան է. ինչպե՞ս այն փոխեց աշխարհը

0

Apple-ի առաջին iPhone-ը թողարկվել է 10 տարի առաջ հունիսի 29-ին: Չնայած որ այն առաջին սմարթֆոնը չէր, սակայն իրական հեղափոխություն առաջացրեց ողջ աշխարհում: Ահա թե ինչպես՝

1. iPhone-ը ինտերնետը հասանելի դարձրեց ամենուր

Սթիվ Ջոբսը iPhone-ը ներկայացնելիս նշում էր այն մասին, որ նոր սարքը  իրական հայտնություն է ինտերնետային կոմունիկացիայի տեսանկյունից: Եվ դա ճշմարտութուն էր. ամբողջ աշխարհում բջջային ինտերնետ կապից օգտվելու ծավալները հսկայական աճ գրանցեցին iPhone-ի թողարկմանը զուգընթաց:

2.  iPhone-ը լուսանկարչությունը մասնագիտությունից դարձրեց մարդկանց առօրյայի մասնիկ

 Սմարթֆոնները ֆոտո-խմբագրման հավելվածների հետ միասին բոլորին հնարավորություն տվեցին իրենց լուսանկարիչ զգալու: Իսկ սոցիալական կայքերը էլ ավելի խթանեցին ոլորտը՝ թույլ տալով տարածել մարդկանց իրենց նկարները: Համաձայն մասնագետների հաշվարկների՝ այս տարի աշխարհում արվելու է 1.2 տրիլիոն նկար, որոնց 85%-ը՝ հեռախոսներով:

3.  iPhone-ի App Store-ը փոխեց պատկերացումները software-ի մասին

Apple-ը թողարկեց իր App Store-ը 2008 թ-ին ընդամենը 500 հավելվածով: Ներկայումս կան  2.1 միլիոն App Store-ի հավելվածներ և 3.4 միլիոն Android Google Play հավելվածներ, բառացիորեն աշխարհում ամեն ինչի վերաբերյալ:

6. iPhone-ները գրավեցին մարդկանց կյանքի զգալի մասը

Ամեն տարի այն ժամանակը, որ մարդիկ անցկացնում են նայելով իրենց հեռախոսներին գնալով ավելանում է: Մարդկային շփումն ու հարաբերությունները ևս տեղափոխվել են օնլայն հարթակ շնորհիվ սոցիալական կայքերի ու հեռախոսների, որոնք մշտապես մեզ հետ են: Ավելորդ է նշել, որ հեռախոսներով անցկացված ժամանակը էականորեն գերազանցում է սովորական թերթ կարդալու կամ հեռուստացույց դիտելու ժամանակին:

7. Փոխակերպվեց ամվողջ գովազդային ինդուստրիան՝ առաջատար դարձնելով Google-ն ու Facebook-ը

Ելնելով վերոնշյալ կետից՝ փոխվեց գովազդատուների աշխատելաոճը: Ներկայումս ինտերնետային գովազդը երկրորդ պլան է մղել  գովազդի մյուս ավանդական տարբերակները, իսկ եկող տարի արդեն սպասվում է, որ բջջային գովազդը ամբողջ աշխարհում կգերազանցի էկրանայինին:

9. iPhone-ը  դարձրեց Apple-ը աշխարհի ամենաթանկարժեք կազմակերպություն

Apple-ը ներկայումս հանդիսանում է ամենաթանկարժեք բռենդը աշխարհում: 2006-ին կազմակերպության շահույթը կազմում էր 1.9 միլիարդ դոլար, 2016-ին՝ 46 միլարդ:

10. iPhone-ը ազդեց մյուս հեռախոսային կազմակերպությունների ճակատագրերի վրա

iPhone-ի հետ մրցակցության արդյունքում զարգացում ապրեց Samsung-ի Android համակարգը և ջախջախվեցին Nokia-ն ու Blackberry-ն: Այս տարի սպասվում է, որ Apple-ը կվաճառի 241 միլիոն հեռախոս, ի համեմատ Samsung-ի՝ 404 միլիոնի: Սակայն քանի որ iPhone-նները ամենաթանկարժեք սմարթֆոններն են, Apple-ի եկամուտը շարունակում է ամենաբարձրը մնալ:

5. iPhone-ը ազդեց նաև ծամոնի վաճառքի վրա

Ինչպես հայտնի է սուպերմարկետներում վճարման համար հերթերի հատվածում միշտ դրված են լինում տարատեսակ փոքր կոնֆետներ ու ծամոններ, որոնք պիտի վերջին պահին գրավեն մարդկանց ու ստիպեն գնել: Սակայն քանի որ վերջին տարիներին մարդիկ իրենց հերթին են սպասում հեռախոսների մեջ գամված վիճակում, սկսած 2007թ.ից սուպերմարկետներում ծամոնի վաճառքները կրճատվել են 15 տոկոսով:

Share.