Ինչո՞վ է վտանգավոր Instagram-ը

0

Միացյալ Թագավորությունում վերջերս իրականացված հետազոտությունը բացահայտել է հինգ ամենատարածված սոցիալական ցանցերի բացասական ազդեցությունը մարդկանց հոգեկան առողջության վրա: Այդ ցուցակը գլխավորում է Instagram-ը, որին հաջորդում են Snapchat-ը, Facebook-ը, Twitter-ը և YouTube-ը:

Ժամանակակից շատ գիտնականներ հակված են այն կարծիքին, որ սոցիալական կայքերը ավելի մեծ կախվածություն են ստեղծում մարդկանց մոտ քան ալկոհոլն ու ծխախոտը:

Մինչդեռ, դրանք ներկայումս հանդիսանում են մարդկանց կյանքի անբաժանելի մասնիկը, հատկապես, երբ խոսքը վերաբերում է պատանիներին և երիտասարդներին: Սակայն բացի առավելություններից սոցիալական կայքերը նաև որոշակի վտանգ են պարունակում, քանի որ խորապես ներազդում են մարդու հոգեկան աշխարհի վրա:

Համաձայն CBC News-ի՝ #StatusOfMind կոչվող հետազոտության հեղինակները առանձնացրել են 5 ամենավնասակար կայքերը, որոնցից գլխավորը Instagram-ն է, այնուհետև՝ Snapchat-ը, Facebook-ը, Twitter-ը և YouTube-ը:

instagram-just-released-a-new-feature-that-will-make-you-never-want-to-use-snapchat-again

Ուսումնասիրությունն անցկացվել է 14-ից 24 տարեկան 1,500 անձանց շրջանում, որպեսզի պարզվի, թե ինչպես են ազդում սոցիալական կայքերը նրանց հոգեկան առողջության վրա՝ մասնավորապես այնպիսի գործոնների վրա, ինչպիսիք են՝ սեփական մարմնի հանդեպ ինքնագնահատականը, էմոցիոնալ կայունությունը, այլ մարդկանց ծաղրելու, ճնշելու հանդեպ հակումը և այլն:

Հետազոտության հեղինակները նշում են, որ Instagram-ի և Snapchat-ի պարագայում խնդիրը կայանում է նրանում, որ այդ կայքերում ինֆորմացիան կենտրոնացած է նկարների շուրջ, ինչն էլ շատ դեպքերում ստեղծում է ոչ իրական, երևակայական աշխարհ, ուր սովորական դեռահասի աչքերով բոլորը շատ գեղեցիկ են ու հաջողակ, և հենց դա էլ դառնում է անիքնավստահության ու տարբեր անհանգստությունների պատճառ: Անգամ հայտնի են դեպքեր, երբ Instagam-ում ծաղրվելու արդյունքում մարդիկ ինքնասպանության են դիմել:

Share.