Երևի Ցուկերբերգը «մի բան գիտի», որ բունկեր է կառուցում

0

Մարկ Ցուկերբերգի համաշխարհային տիրապետության պլանը կարծես թե ընթացքի մեջ է…և դրան է հարմարեցվում անգամ նրա սեփական բակը: Ֆեյսբուքյան միլլիարդատերը, ով հայտնի է նաև որպես «անհաջող» հարևան, պատրաստվում է Palo Alto-ի իր կալվածքը վերածել իսկական բունկերի՝ քանդելով հարակից 4 տները և դրանց փոխարեն կառուցելով 4 ավելի փոքր շինություններ, ներառյալ մեկը, որը հիշեցնում է աշխարհի վերջից փրկվելու բունկեր:

Համաձայն նախագծային փաստաթղթերի՝ «նորին մեծություն» Ցուկերբերգը պլանավորում է հողին հավասարեցնել հարակից 4 տները, որը նա գնել է 30 միլիոն դոլար արժողությամբ և փոխարինել դրանք «ավելի փոքր, թարմացված տարբերակներով»:

mark-zuckerberg-entertainmentnieuws-1200x900-7342Համաձայն New York Post-ի տվյալների՝ շինություններից մեկը կասկածելիորեն նման է խուճապ-սենյակ հիշեցնող բունկերի: Այն կառուցվելու է յուրահատուկ ոճով, որն ընգրկելու է աղյուսե պատեր, մուգ մետաղյա դռներ ու պատուհաններ, մուգ մոխրագույն շերտավարագույրներ և գորշ մետաղյա տանիք:

Մնացած երեք շինությունները ունենալու են փայտե գունային գամմա, բնական եղենափայտից պատրաստված shake roof տանիք, ներկված պատուհաններ ու french դռներ և stained փայտե ամուր դռներ:

Ցուկերբերգը գնել էր իր 5 ննջասենյակ ունեցող տունը 2011-ին 7 միլիոն դոլարով, իսկ իր հարևանների տները սկսել էր գնել 2013-ին, այն բանից հետո, երբ տեղեկացվել էր, որ կառուցապատող ընկերությունը պատրաստվում է իր տանը հարակից կառուցել մի շենք այնպիսի  բարձրությամբ, որը թույլ էր տալիս բացել տեսարան դեպի իր ննջասենյակ:

Չնայած դեռ լիովին հստակ չէ, թե ինչ է իրենից ներկայացնելու Ցուկերբերգի նոր շինությունը, սակայն կասկածի տեղիք չկա, որ նա կրկին դուրս է նետելու իր հարևաններին: 2014-ին Ցուկերբերգը հասցրել էր իր հարևաններին հունից հանել, շուրջ 17 ամիս նրանց թույլ չտալով կայանել իրենց մեքենաները սեփական տների բակերում, իր պալատի կառուցողական աշխատանքների պատճառով:

spl275636_002Հարևանները զայրացած էին նաև շինարարության մշտական աղմուկից և քանդված մայթերից, որտեղ Ցուկերբերգի տան համար նոր օպտիկամանրաթելային մալուխներ (fiber optic cables) էին տեղադրվում:

Հարևաններից մեկը՝ Նորմ Բիմերը, պատմում է Mercury News-ին. «Հարևանությունը հետաքրքրված է միևնույն ժամանակ անհանգիստ, թե ինչ է պատրաստվում անել Ցուկերբերգը իր տան հարակից հողամասերում: Արդյոք նա պարզապես զարգացնու՞մ է այն, թե կառուցում է մի շինություն, ուր կլինի հաճախորդների և աշխատակիցների մշտական հոսք: Հարցն այն է, թե դա պարզապես բնակավայրի բարեկարգու՞մ է, թե մեկ այլ ծրագիր, որը կարող է առաջացնել երթևեկության և անվտանգության խնդիրներ»:

Ֆեյսբուքը չի արձագանքում Ցուկերբերգի ունեցվածքի վերաբերյալ հարցերին:

Share.