Ցուկերբերգի անվտանգությունն արժե 5մլն $ և չորս այլ հետաքրքիր փաստեր Facebook-ի մասին

0

Աշխարհի խոշորագույն սոցիալական ցանցը հաղորդել է իր եկամուտների և շահույթների մասին: Սակայն դա դեռ ամենը չէ, ինչը մենզ հաջողվել է պարզել այս ընկերության մասին:

Facebook-ի ստեղծման պատմությունը արդեն իսկ լեգենդար է։ Տնօրենը՝ Մարկ Ցուկերբերգը, սոցիալական ցանցը հիմնելուց անմիջապես հետո, թողել է իր ուսումը Հարվարդում։ Ավելի քիչ քան մեկ տասնամյակ անց Facebook-ը դարձել է աշխարհի ամենաազդեցիկ ընկերություններից մեկը:

Չորեքշաբթի օրը, պարզ դարձան որոշ մանրամասներ Facebook-ի մասին, որոնք ներկայացված են ներքևում։

Ցուկերբերգը դեռևս վաստակում է ընդամենը մի բաքս

Ցուկերբերգը, հետևելով Սթիվ Ջոբսի օրինակին, սկզբնական շրջանում խնդրել էր, որ իր աշխատավարձը կազմի 1$, և մինչ օրս էլ այն մնացել է անփոփոխ։ Եթե նրան չպատկանեին Facebook Stock-ի շուրջ 422 մլն բաժնետոմս, անշուշտ նա կլիներ աղքատ։ Ըստ Forbes-ի տվյալների, այդ բաժնետոմսերի հետ միասին Մարկի ամբողջ ունեցվածքը կազմում է մոտավորապես $ 47.5 մլրդ։

Ակնհայտորեն Ցուկերբերգին է պատկանում Facebook Stock-երի ճնշող մեծամասնությունը, սակայն որպես փոխհատուցում նա չի ստանում որևէ լրացուցիչ դրամաշնորհներ բացի 1$-ից: Մինչդեռ, Facebook-ի COO՝ Շերիլ Սանդբերգ վաստակում է 700,000$, CFO՝ Դավիթ Վեհների աշխատավարձը կազմում է 650.000$, իսկ Քրիս Քոքսի և Մայք Շրոփֆերինը՝ 625.000$: Իհարկե սա ամենը չէ, աշխատավարձից բացի նրանցից բոլորը ստանում են բոնուսներ և ունեն stock-եր։

Ցուկերբերի անվտանգությունը արժի ավելի քան 5 մլն $ տարեկան

Շատ մարդիկ ցանկանում են գրավել ձեր ուշադրությունը կամ սպառնել ձեզ, երբ դուք չորրորդ ամենահարուստ մարդն եք ԱՄՆ-ում և 19-րդ հզոր անձը Երկիր մոլորակի վրա։ Հնարավոր մտահոգություններից զերծ մնալու նպատակով՝ Ցուկերբերգը ունի անվտանգության իր «ծրագիրը»:

Ըստ Facebook-ի, անցյալում արդեն իսկ եղել են լուրջ սպառնալիքներ նրա դեմ: Այդ իսկ պատճառով, Կալիֆորնիայի Menlo Park ընկերությունը կազմակերպել է Ցուկերբերգի անվտանգությունը, որը ներառում է նրա ապահովությունը իր անձնական բնակավայրում։ Ցուկերբերգը ունի նաև իր անձնական ինքնաթիռը, որը նույնպես կազմում է անվտանգության փաթեթի մի մաս։ Այս ամենի արժեքը միասին կազմում է ավելի քան 5մլն $ մեկ տարվա կտրվածքով:

Որոշ բաժնետերեր պահանջում են հավասարություն

Facebook-ը «վերահսկվող ընկերություն» է,  այսինքն Ցուկերբերգը իրեն է վերապահում լիարժեք վերահսկողություն: Նա ոչ  միայն ունի ավելի շատ բաժնետոմսեր քան մնացածը, այլ նաև հատուկ «Class B» բաժնետոմսեր, որոցից յուրաքանչյուրը ունի 10 ձայնի հնարավորություն: Այժմ, Facebook-ը պատրաստում է նաև նոր “Class C” բաժնետոմսեր, որոնք ոչ-քվեարկային են։

Քանի որ որոշ բաժնետերերի դուր չի գալիս այս պայմանավորվածությունը նրանք ցանկանում են, որ բաժնետոմսերը դառնան հավասար: Սակայն Ցուկերբերգը չի համաձայնվել այդ պահանջի հետ և նշել, որ իր վերահսկողությունը թույլ է տվել նրան դիմակայել ճնշմանը:

Հաջողակ տեխնոլոգիական ընկերություններում բաժնետերերի նման առաջարկները հաճախ մերժվում են։

Դուք չեք լսի Oculus-ի վաճառքի մասին մոտակա շրջանում

Ցուկերբերգը կարծում է, որ Oculus VR ակնոցները հաջորդ խոշոր փուլ են դառնալու համակարգչային աշխարհում և դրանք իսկապես կարող են փոխել աշխարհը: Բայց ոչ շուտով։ Վեհները իր հարցազրույցում ասել է, որ դեռևս չափազանց վաղ է քննարկելու դրա վաճառքը։ Ավելի ուշ Ցուկերբերգը կրկնել է, քանի որ վիրտուալ իրականությունը խոստանում է լինել խոստումնալից, հետևաբար սկիզբը լինելու է դանդաղ:

Ցուկերբերգը պարտավորվել է փոխել աշխարհը

Դեկտեմբերին, Ցուկերբերգը հայտնեց, իր առաջնեկի՝ Մաքսի ծննդյան լուրը, և ստեղծեց  45մլրդ  դոլլարանոց բարեգործական ֆոնդ, որը կոչվում Chan Zuckerberg Initiative։ Ֆոնդի հիմնական նպատակն է բարելավել այս աշխարհը ապագա սերունդների համար:

Չորեքշաբթի օրն իր նամակում, նա ընդլայնել է իր մտադրությունները, ասելով, որ ցանկանում է «վերացնել աշխարհում գոյություն ունեցող բոլոր հիվանդությունները»: Հետագայում ավելացնելով, որ  հարկավոր է արդիականացնել, կրթական համակարգը, որպեսզի այն անհատականացված լինի յուրաքանչյուր ուսանողի համար, ինչպես նաև պաշտպանել շրջակա միջավայրը կլիմայական փոփոխությաներից:

Կարծես թե Ցուկերբերգը նպատակասլաց է: Ինչևէ, միայն ժամանակը ցույց կտա, թե 31-ամյա Ցուկերբերգին կհաջողվի այս ամենը թե ոչ։

Share.