Jeep մեքենան պայթել է Samsung Galaxy Note 7 հեռախոսի պատճառով

0

Samsung-ը  անցյալ ուրբաթ օրը հայտարարել էր, որ հետ է ընդունում իր Galaxy Note 7 հեռախոսները, քանի որ դրանցից  35-ը ունեին մարտկոցի հետ կապված խնդիրներ, սակայն, այդ հայտարարությունը, բնականաբար, ոչ բոլորին էր ժամանակին հասանելի դարձել:

Ֆլորիդայում տեղի է ունեցել մի պատահար, որի արդյունքում պայթել է Jeep Grand Cherokee մեքենան, երբ դրա մեջ լիցքավորվելիս է եղել Note 7-ը:

Մեքենայի տիրոջ՝ Նաթան Դորնաչերի խոսքերով, երբ իր դուստրը և շունը մոտենալիս են եղել մեքենային, շունը զգացել է, որ ինչ որ բան այն չէ: Ամենայն հավանականությամբ հեռախոսը պայթել է և կրակը բռնկվել է ամբողջ մեքենայով մեկ:

Դորնաչերը այրված մեքենայի նկարները տեղադրել է Facebook-ում:

Նա նշել է, որ երբեք չէր կարող պատկերացնել, որ հասարակ հեռախոսի պատճառով կարող է նման դեպք պատահել, և որ ինքը տեղյակ չի եղել Samsung-ի հայտարարության մասին:

Բազմաթիվ սպառողներ քննադատել են Samsung-ին ԱՄՆ իշխանությունների հետ չհամագործակելու համար, որպեսզի հեռախոսների հետ կանչումը լիներ պաշտոնական և ավելի մեծ արձագանք ունենար:

Samsung-ի ներկայացուցիչը դեպքի մասին խոսելիս նշել է, որ իրենք տեղյակ են պատահարի մասին, հետաքննում են այն և աշխատում են ամեն ինչ անել պարոն Դորնաչերի համար, որպեսզի փոխհատուցեն վնասը:

Դորնաչերի խոսքով՝ նա փոխել էր իր հեռախոսը Apple-ից Samsung, երբ թողարկվել է նոր Note-ը, սակայն չի կարծում, որ որևէ Samsung-ի արտադրանք այլևս կցանկանա պահել իր տանը:

Սա առաջին դեպքը չէր, երբ Note 7-ի պայթյունի պատճառով սպառողի գույքին լուրջ վնաս էր պատճառվել: Ավստրալիայում ևս նման դեպք էր գրանցվել, երբ հյուրանոցներից մեկում պայթել էր Samsung հեռախոս, որի հասցրած վնասը կազմել էր $1,400:

Այս իրադարձությունները տեղի ունեցան  Samsung-ի համար ամենաանհարմար պահին, երբ կազմակերպությունը նոր էր թողարկել իր  Note 7-ը Apple-ի կողմից չորեքշաբթի օրը iPhone 7-ի ներկայացմանն ընդառաջ:

Share.