Ինչպես երկարացնել համակարգչի կյանքը. ստանդարտ դիսցիպլինա

0

Փոշին, սնունդի փշրանքները և այլ մասնիկներ անխուսափելիորեն հայտնվում են համակարգչի ստեղնաշարի ու էկրանների, պլանշետների ու հեռախոսների վրա՝ վնասելով դրանց նորմալ աշխատանքին: Սակայն տեխնիկայի սխալ մաքրումը կարող է ավելի մեծ վնաս պատճառել:

Խանութներում վաճառվում են հատուկ անձեռոցիկներ էկրանների ու ստեղնաշարերի մաքրման համար, սակայն, արդյոք, դրանք իրոք անհրաժե՞շտ են:

Ստորև Ձեզ ենք ներկայացնում ամեն սարքի համար նախատեսված մաքրման լավագույն միջոցները:

Պլանշետ, համակարգչի էկրան և սմարթֆոն

AM-cleaning-products-for-tech-gadgets-designboom03Մի օգտագործե՛ք ապակի մաքրող հեղուկ կամ այլ լուծույթներ էկրանը մաքրելու համար: Դրանք կարող են վնասել այն շերտը, որը թույլ է տալիս սահեցնել մատները մակերեսի վրայով:

Օգտագործե՛ք միկրոֆիբերային կտոր՝ թեթևակի թրջած ջրով: Սարքերի մեծ մասը իրենց հետ ունենում են նման կտոր:

Մաքրման այլ ճիշտ տարբերակների համար ստուգե՛ք Ձեր սարքերի գրքույկները:

Հեռուստացույց

Մի կիրառե՛ք պատուհանները մաքրող միջոցներ, ամոնյակ, ալկոհոլ, թղթե սրբիչներ կամ այլ տեսակի սպունգեր: Դրանք կարող են վնասել էկրանը:

Կրկին ճիշտ է օգտագործել միկրոֆիբերային կտոր, կամ այլ կտոր՝ առանց գծերի: Մաքրելուց առաջ համոզվե՛ք, որ այն մաքուր է, քանի որ հակառակ դեպքում՝ կարող եք խազել էկրանը: Նաև մի՛ մոռացեք մաքրելուց առաջ անջատել հեռուստացույցը, որպեսզի այն սառի: Սկսե՛ք մաքրումը չոր կտորով, եթե դա բավական չէ, ապա թեթևակի թրջե՛ք կտորը մաքուր ջրով կամ նուրբ օճառաջրի լուծույթով և զգուշորեն սրբե՛ք էկրանը, այնուհետև թողե՛ք, որ չորանա:

Ստեղնաշար

Մի՛ օգտագործե՛ք թաց կտոր կամ անձեռոցիկ:

Դրա փոխարեն վերցրե՛ք հատուկ ստեղնաշարի համար նախատեսված անձեռոցիկներ կամ խոնավ ախտահանող անձեռոցիկներ: Օգտագործե՛ք սեղմված գազ, եթե կարծում եք, որ ստեղների միջև շատ փոշի կա: Փչե՛ք այն՝ ստեղնաշարը պահելով գլխիվայր, որպեսզի փոշին դուրս գա, այլ ոչ թե լցվի ավելի խորը:

Cleaning-Keyboard

Share.