Kinder շոկոլադը պարունակում է կարցինոգեն, որը կարող է առաջացնել քաղցկեղ

0

Գերմանիայի սննդի վերահսկիչ մարմինների որոշմամբ Kinder շոկոլադե սալիկները, ինչպես նաև որոշ այլ ապրանքատեսակներ ետ են կանչվել այն բանից հետո, երբ դրանց մեջ հայտնաբերվել է հավանական քաղցկեղածին նյութերի վտանգավոր աստիճան։

Սննդի անվտանգության պատասխանատուների խոսքով՝ապրանքատեսակի մեջ պարունակվում են հանքային յուղի արոմատիկ ածխաջրածիններ (mineral oil aromatic hydrocarbons/MOAH), որոնք առաջանում են յուղի զտման ընթացքում։

20 տարբեր ապրանքատեսակների ստուգումից հետո դրանցից երեքում հայտնաբերվել է այդ նյութի վտանգավոր աստիճանի առկայություն։

Դրանից հետո եվրոպական Foodwatch անկախ կազմակերպությունը, որ զբաղվում է սպառողների շահերի պաշտպանությամբ, կոչ է Ferrero-ի Kinder Riegel շոկոլադե սալիկները, Lindt-ի Fioretto Nougat Mini-ները և մի շարք այլ գերմանական ապրանքատեսակներ դուրս հանել վաճառքից։

Սննդի հսկիչ մարմնի կայքում ասվում է. «Խնդրին առնչվող արտադրողները նախապես զգուշացվել են փորձարկման արդյունքների մասին։ Նրանց կոչ է արվել ետ կանչել իրենց արտադրանքը։ Չնայած դրան՝ նրան մերժել են»։

Եվրոպայի սննդի անվտանգության հսկիչ մարմինները բնութագրում են MOAH-ները, որպես հավանական քաղցկեղածին և մուտագեն նյութեր։

Foodwatch-ի ներկայացուցչի Յոհաննես Հեեգի խոսքերով՝ վտանգավոր ապրանքատեսակները վաճառակետերից վերացնելու և սպառողներին զգուշացնելու փոխարեն, արտադրողները մնդում են, որ  ամեն ինչ օրենքի սահմաններում է արվել։

The Local-ի հետ զրույցում Հեեգը նշում է. «Դուք չեք կարող տեսնել այն, չեք կարող զգալ որևէ համ, սակայն, այդ նյութն առկա է։ Մենք խորհուրդ ենք տալիս չօգտվել նշված ապրանքատեսակներից, քանի որ դրանց մեջ վտանգավոր նյութերի կենտրոնացման աստիճանը դրանք դարձնում է պարզապես անընդունելի սպառման համար»։

Այնուամենայնիվ, Գերմանիայի հրուշակեղենի գործակալության ասոցիացիան անցյալ շաբաթ հայտարարել է, որ MOAH-ի պարունակության աստիճանը, որը Foodwatch-ն անվանում է վտանգավոր, թույլատրելի է սպառման համար առանց որևէ խնդրի։

Share.