«АвтоВАЗ»-ը ներկայացրել է նոր սերնդի Lada 4×4

0

«АвтоВАЗ» մեքենաշինական ընկերությունը պաշտոնապես ներկայացրել է նոր սերնդի Lada 4×4 ամենագնացը Մոսկվայի միջազգային ավտոսրահում։

Չնայած այն հանգամանքին, որ նորույթը առաջին հայացքից իր արտաքին տեսքով հիշեցնում է լեգենդար Lada Niva-ն, ուշադիր զննելով ներկայացված նկարները, կարելի է տեսնել, որ ամենագնացի դիզայնը գրեթե ամբողջությամբ տարբերվում է բոլորիս աչքին սովոր Niva-ից:

Ինչպես տեսնում եք, մեքենան ստացել է արդիական լուծումներ՝ համապատասխանելով ներկայիս շուկայի պահանջներին։

Նոր արտաճանապարհային մոդելը պահպանել է ներկայիս սերնդի Lada 4х4-ի տեխնիկական ներուժը, սակայն այն առավել կատարելագործված է։ Օրինակ՝ ավտոմեքենանյում տեղադրված է 220 վոլտանոց վարդակ է, որը հնարավորություն է տալիս լիցքավորել ցանկացած էլեկտրական սարք։

Հայտնի է նաև, որ սերիական ավտոմեքենան համալրվել է 21 դյույմանոց անվասկավառակներով, ուղևորների և վարորդի համար նախատեսված երկու թվային էկրաններով:

Նորույթը կհամալրվի 122 ձիաուժ հզորությամբ շարժիչով և նոր փոխանցման տուփով: Նախնական տվյալների համաձայն, նոր մոդելը կունենա «АвтоВАЗ»-ի համար հեղափոխական համարվող երթևեկության ռեժիմների ընտրության համակարգ, որի շնորհիվ վարորդը կարող է ըստ ցանկության ընտրել երթևեկության համապատասխան ռեժիմը՝ «Ձմեռային», «Ավազ», «Սպորտ», «ECO»։

Ակնկալվում է, որ նոր ավտոմեքենան վաճառքի դուրս կգա 2019 թվականին, սակայն սերիական արտադրության մասին ընկերությունը դեռևս մանրամասներ չի բարձրաձայնում։

Հիշեցնենք, որ Lada 4х4-ը ընկերության ամենահայտնի ու պահանջված մոդելներից է, որը վերջերս նշել է ստեղծման 40-ամյակը:

Share.