Lamborghini-ն ներկայացրել է նոր Huracán Evo Spyder-ը (լուսանկարներ)

0

Լյուքս դասի սուպերմեքենաների իտալական արտադրող Lamborghini ընկերությունը աշխարհին է ներկայացրել նոր Huracán Evo Spyder նոր մոդելը։

Նորույթի պաշտոնական շնորհանդեսը կկայանա մարտին՝ Ժնևի միջազգային ավտոցուցահանդեսի ընթացքում։

Սուպերքարը ստեղծվել է ավելի վաղ ներկայացված 2020 Huracán EVO կուպեի հիմքով։ Մեքենայի դիզայնում հիմնական փոփոխությունը ծալվող տանիքն է, որը փոխարինել է  կոշտ տանիքին։ Վերջինս կարող է  ծալվել ընդամենը 17 վայրկյանի ընթացքում։

Բաց տանիքով երթևեկելու դեպքում հայտնվում են աէրոդինամիկ տարրեր, որոնք նվազեցնում են տուրբուլենտությունը մեքենայի սրահում։

Բացի այդ հնարավոր է իջեցնել հետևի պատուհանը, երբ տանիքը գտնվում է փակ վիճակում։

Ինչպես մեկնաբանում է Lamborghini-ի գլխավոր տնօրենը «Huracan Spyder»-ը միավորում է բոլոր նորույթները և գրավչությունը, որը կար  Huracan Coupe-ում, և ավելացնում նոր տեխնոլոգիաներ և հավելյալ էմոցիոնալ բաղադրիչներ։

Նա նաև նշել է, որ նախորդ մոդելները, դարձել է ամենաշատ վաճառված մոդելները ընկերության ողջ պատմության ընթացքում, և հույս հայտնել, որ նոր ավտոմեքենան նույնիսկ կգերազանցի իր նախորդներին բոլոր առումներով։

Չնայած այս ամենին, նորույթի տեխնիկական բնութագիրը կուպեից գրեթե չի տարբերվում։

Huracan Evo Spyder-ի «չոր» զանգվածը կազմում է 1,542 կիլոգրամ, այն դեպքում երբ կուպեն կշռում է 1422 կգ:

Մեքենան համալրված է 5,2 լ աշխատանքային ծավալով, 630 ձիաուժ հզորությամբ, V10 շարժիչով և կարող է զարգացնել առավելագույնը 325 կմ/ժ արագություն:

Huracán Evo Spyder-ը վաճառքում կհայտնվի արդեն իսկ այս տարվա գարնանը և կարժենա մոտավարապես 287 400 դոլար:

Share.