Ինչպես երկարաձգել նոթբուքի կյանքը: Օգտակար խորհուրդներ։

0

Ներկայումս շատ շատերը նախընտրում են օգտվել նոթբուքներից, քանի որ, ի տարբերություն, ստացիոնար համակարգիչների դրանք թեթև են, կոմպակտ և շարժունակ։ Չնայած այս սարքավորումների մի շարք դրական կողմերին, անհրաժեշտ է հաշվի առնել, որ վերջիններս պահանջում են հատուկ խնամք և ուշադրություն, քանի որ կարող են հեշտությամբ վնասվել ընկնելուց, խոնավությունից, գերտաքացումից և այլն։ Իհարկե, բոլոր այս պատճառները կարող են էապես նվազեցնել նոթբուքի օգտագործման ժամկետը, և այն շարքից դուրս կգա նախատեսվածից շատ ավելի շուտ։

Այնպես որ առաջարկում ենք ծանոթանալ ստորև ներկայացված խորհուրդներին, որոնք կօգնեն ձեզ խուսափել թանկարժեք վերանորոգումներից և երկարաձգել Ձեր նոթբուքի կյանքը։

Պարբերաբար մաքրեք նոթբուքը փոշուց

Փոշին նոթբուքների հիմնական խափանման պատճառներից է: Խնդիրն որի առջև կանգնում են բոլորը 1-2 տարի անց նոթբուքի կորպուսում մեծ քանակությամբ փոշու առկայությունն է: Հավացման համակարգը անդադար կլանում է փոշին, և ի վերջո, հանգեցնում է նրան, որ նոթբուքի ռադիատորներն և ներքին այլ կոմպոնենտները պատվում են փոշով։ Ինչը հետագայում կարող է գերտաքացման պատճառ դառնալ։ Կարելի է հասկանալ, որ նութբուքը մաքրելու ժամանակն է, երբ միացնելիս կամ անջատելիս մարտկոցի հատվածից լսվում են ձայներ:

Այնպես որ, տարին մեկ կամ երկու անգամ պետք է մաքրել նութբուքը:

Մի մոռացեք հակավիրուսային ծրագրերի մասին

Նոթբուքի բարվոք աշխատանքի համար կարևոր է նոութբուքի ոչ միայն տեխնիկական այլև նաև ծրագրային վիճակը: Այնպես որ, մի մոռացեք օգտագործել հակավիրուսային ծրագրեր։

Բարեբախտաբար, այժմ ինտերնետում կան մի շարք անվճար հակավիրուսային ծրագրեր։

Բարելավեք նոթբուքի աշխատանքը

Եթե Ձեզ թվում է, որ ձեր նոթբուքը կորցրել է իր երբեմնի արտադրողականությունը, ապա կան մի քանի եղանակ «երիտասարդացնել» այն:

Նոթբուքի արտադրողականությունը բարձրացնելու համար խորհուրդ ենք տալիս ձեռք բերել SSD կրիչ։

Սակայն եթե չեք ցանկանում գումար ծախսել, ապա փորձեք մաքրել Windows-ը կուտակված անպետք ֆայլերից և ծրագրերից։

Հետևեք ջերմային ռեժիմին

Գերտաքացումը նոթբուքի գլխավոր թշնամին է: Այն կարող է կրճատել մարտկոցի կյանքը և նույիսկ հանգեցնել սարքի հիմնական մասերի խափանմանը։ Ինչպես արդեն նշեցինք, նոթբուքի գերտաքացման պատճառներից մեկը փոշին է, սակայն բացի այդ կան մի շարք այլ նպաստաող հանգամանքներ, օրինակ նոթբուքի դիրք և այն մակերևույթը, որի վրա վերջինս աշխատում է։

Այսպիսով, խորհուրդ չի տրվում օգտագործել նոթբուքը ծնկներին կամ ծածկոցի վրա դրված: Լավագույն տարբերակը սեղանն է, սակայն եթե հաճախ եք օգտագործում նոթբուքը պառկած կամ նստած, ապա անհրաժեշտ է գնել հատուկ տակդիր:

Մաքրերք էկրանը և ստեղնաշարը

Նոթբուքի էկրանի մասին նույնպես անհրաժեշտ է հոգ տանել։

Ժամանակի ընթացքում այն նույնպես ծածկվում է փոշով։ Եվ այդ դեպքում նույնիսկ ամենաթանկարժեք 4K պատկերն այլևս ձեզ չի երջանկացնի։ Խորհուրդ չի տրվում մաքրել էկրանը սովորական անձեռոցիկով, քանի որ այն առաջացնում է  սպիտակ հետքեր և նույնիսկ կարող է վնասակար լինել էկրանի համար:

Լավագույն միջոցը՝ միկրոֆիբրե կտորն է կամ հատուկ համակարգչային անձեռոցիկները:

Share.