Դաս 1: Եկեք սկսենք

0

Առաջին դասի ընթացքում համառոտ կներկայացնենք գործիքները, որոնց օգնությամբ հնարավոր կլինի ստեղծել վեբ կայք:

Ի՞նչ է անհրաժեշտ։

Ամենայն հավանականությամբ դուք արդեն իսկ ունեք այն ամենը, ինչ Ձեզ անհրաժեշտ է։

Ունեք «բրաուզեր»՝ ծրագիր, որը հնարավորություն է տալիս փնտրել և բացել տարբեր կայքեր։ Հենց այս պահին դուք տեսնում եք այս էջը Ձեր բրաուզերում։

Կարևոր չէ, թե ինչ բրաուզեր եք օգտագործում։ Առավել տարածված են Google-ը, Mozilla Firefox-ը, Opera-ն և Microsoft Edge-ը։

Հավանաբար դուք լսել եք, կամ նույնիսկ օգտագործել եք ծրագրեր, ինչպիսիք են Microsoft FrontPage-ը, Macromedia Dreamweaver-ը կամ Microsoft Word-ը, որոնք պնդում են, որ կարող են ստեղծել Ձեզ համար կայքեր։ Այդ ծրագրերի մասին կարող եք մոռանալ։ Այժմ երբ ինքներդ եք սովորում, թե ինչպես կոդավորել Ձեր սեփական վեբ կայքը, դրանք անպիտան են:

Փոխարենը, Ձեզ անհրաժեշտ է պարզ տեքստային խմբագիր (text editor)։ Եթե օգտվում եք Windows-ից, ապա կարող եք օգտագործել Notepad++-ը, Sublime-ը։

Սակայն եթե չեք օգտվում Windows-ից, օգտագործեք պարզ տեքստային խմբագիր ինչպես օրինակ՝ Pico (Linux) կամ TextEdit (Mac):

Notepad++-ը տեքստ հավաքելու պարզ ծրագիր է, որը գերազանց է կոդավորման համար, քանի այն չի ձևափոխում այն ինչ գրում եք: Այն թույլ է տալիս Ձեզ ամբողջության վերահսկել գործընթացը։ Այլ ծրագրերի հիմնական խնդիրը այն է, որ  վերջիներս ունեն բազում ստանդարտ գործառույթներ, որից դուք կարող եք ընտրել որևէ մեկը։ Թերությունը այն է, որ ամենը պետք է համապատասխանի այս ստանդարտին։ Այսպիսով, այս տիպի ծրագրերը հաճախ չեն կարող ստեղծել կայքը, այնպիսին, ինչպիսին ցանկանում եք։ Կամ նույնիսկ ավելին, նրանց կողմից կատարվող անդադար փոփոխությունները Ձեր ձեռքով գրված կոդում կարող է դառնալ զայրացուցիչ: Notepad-ով կամ նման այլ պարզ ծրագրերով, միայն դուք եք պատասխանատու Ձեր հաջողությունների և սխալների համար։

Բրաուզեր և Notepad++ (կամ նման այլ պարզ text editor)։ Ահա այն ամենը ինչ անհրաժեշտ կլինի այս դասըթացի և վեբ կայքերը պատրաստելու համար։

Ի՞նչ է HTML-ը։

HTML-ը Ձեր բրաուզերի «մայր լեզուն» է։

Կարճ ասած HTML-ը ստեղծվել է 1990 թվականին գիտնական Tim Berners-Lee-ի կողմից։ Հիմնական նպատակն էր հեշտացնել տարբեր համալսարանների գիտնկանների մուտքը դեպի հետազոտական փաստաթղթեր: Նախագիծը հասավ ավելի մեծ հաջողության, քան Tim Berners-Lee-ը կարող էր պատկերացնել: Հորինելով HTML-ը՝ նա հիմք ստեղծեց վեբի համար։

HTML-ը մի լեզու է, որը հնարավոր է դարձնում ներկայացնել որևէ ինֆորմացիա (օրինակ գիտահետազոտական) ինտերնետում: Այն, ինչ դուք տեսնում եք նայելով ինտերնետյան էջին դա Ձեր բրաուզերի HTML-ի ինտերպրետացիան է: Ինտերնետյան էջի HTML կոդը տեսնելու համար,  պարզապես սեղմեք  Ctrl+U։

Չվարժված աչքի համար HTML կոդը թվում է բարդ, բայց այս ձեռնարկը կօգնի Ձեզ գլուխ հանել։

Ինչի՞ համար օգտագործել HTML-ը։

Եթե ցանկանում եք ստեղծել կայքեր, ոչ մի կերպ հնարավոր չէ շրջանցել HTML-ը: Նույնիսկ եթե օգտագործում եք կայքեր ստեղծելու հատուկ ծրագիր, ինչպես օրինակ Dreamweaver-ը, HTML-ի բազային գիտելիքները կհեշտացնեն Ձեր կյանքը և վեբ կայքը կստացվի շատ ավելի հաջող: Լավ նորությունն այն է, որ HTML-ը շատ հեշտ է սովորելու և օգտագործելու համար։ Ընդամենը երկու դասով կարող եք սովորել, թե ինչպես պատրաստեք Ձեր առաջին կայքը։

HTML-ը օգտագործվում է կայքեր ստեղծելու համար։ Այդքան պարզ!

Շատ լավ, բայց ի՞նչպես է բացվում H-T-M-L –ը։

HTML-ը “HyperText Mark-up Language”-ի հապավումն է։ Իհարկե այս փուլում այսքանը իմանալը լիովին բավարար է, սակայն, եկեք բացատրենք ավելի մանրամասը։

  • Hyper-ը գծայինի հակառակն է։ Այն հին օրերում, երբ մկնիկը կենդանի էր, որին հետապնդում էր կատուն, համակարգչային ծրագրերը աշխատում էին գծայնորեն (linear)։ Երբ ծրագիրը ավարտում էր մեկ գործողությունը, այն անցնում էր դեպի հաջորդ տողը, դրանից հետո մյուսը և այլն: HTML-ը աշխատում է այլ կերպ․դուք կարող եք գնալ այնտեղ, ուր ցանկանում եք, և երբ ցանկանում եք։ Օրինակ, անհրաժեշտ չէ այցելել MSN.com, նախքան HTML.net այցելելը։
  • Text – կարծում ենք բացատրության կարիք չկա, ամեն ինչ հասկանալի է ինքնին։
  • Mark-up-ը դա այն ինչ անում եք տեքստի հետ: Դուք նշում եք տեքստը նույն կերպ ինչպես տեքստի խմբագրման համար նախատեսված ծրագրերում՝ վերնագրեր, ընդգծված տեքստ և այլն:
  • Language դա HTML է։ Այն օգտագործում է շատ անգլերեն բառեր։

Այս դասընթացում կսովորեք, այսպես կոչված, XHTML (ընդարձակելի HyperText Mark-up Language), որը, կարճ ասած, նոր և ավելի լավ համակարգված տարբերակ է HTML գրելու համար:

Այժմ երբ դուք գիտեք, թե ինչ է նշանակում HTML-ը (և XHTML-ը) եկեք սկսենք խոսել կայքեր պատրաստելուց։

Հարգելի ընթերցող, խնդրում ենք չմոռանալ like տալ մեր ֆեյսբուքյան էջին, քանի որ նորությունների մեծ մասը առաջինը տեղադրվում է հենց այնտեղ։ Ինչպես նաև հետևեք մեզ այլ սոցիալական ցանցերում և, իհարկե, գրանցվեք մեր բլոգում։

Share.