Դաս 18: PHP Տրամաբանական օպերատորներ

0

Բացի PHP համեմատության օպերատորներից գոյություն ունեն նաև տրամաբանական օպերատորներ: Դրանք կիրառվում են այն ժամանակ, երբ մենք ցանկանում ենք ստուգել միանգամից մեկից ավել պայման: Օրինակ՝ մեզ կարող է անհրաժեշտ լինել ստուգել արդյոք username-ը և գաղտնաբառը ճիշտ են նույն IF հայտարարությունից:

Ահա այդ օպերատորները ներկայացնող աղյուսակը՝

1

Դրանք կարող են առաջին հայացքից տարօրինակ թվալ, սակայն, իրականում շատ օգտակար  կարող են լինել:

&& օպերատոր  – ԵՎ (AND)

Օգտագործե՛ք այն, եթե Ձեզ անհրաժեշտ է, որպեսզի երկու արժեքներն էլ ճիշտ լինեն, ինչպես որ username-ի և գաղտնաբառի օրինակում էր: Չէ՞ որ Դուք չեք կարող թույլ տալ մուտք գործել որևէ մեկին սխալ գաղտնաբառով, բայց ճիշտ username-ով: Ահա դրա օրինակը՝

$username =’user’;
$password =’password’;

if ($username ==’user’ && $password ==’password’) {

         print(“Welcome back!”);

}
else {

         print(“Invalid Login Detected”);

}

Այս հայտարարությունը նույն կերպ է կառուցված, սակայն, ուշադրություն դարձրե՛ք, որ այժմ ստուգվում են երկու պայմաններ՝

$username ==’user’ && $password ==’password

Այն ասում է՝ եթե username-ը ճիշտ է,  գաղտնաբառը՝ ևս, ապա թույլ տուր մուտք գործել: Երկու պայմաններն էլ պետք է լինեն if հայտարարության փակագծերի մեջ:

 | | ՕպերատորԿԱՄ (OR)

Երկու ուղիղ գծերը նշանակում են ԿԱՄ (OR): Օգտագործե՛ք այս նշանը, եթե Ձեզ անհրաժեշտ է, որ պայմաններից միայն մեկը ճիշտ լինի: Օրինակ՝ Դուք ցանկանում եք տրամադրել զեղչ այն մարդկանց, ովքեր ծախսել են 100 ֆունտից ավելի, կամ ովքեր ունեն հատուկ բանալի: Այդ կոդը կունենա հետևյալ տեսքը՝

$total_spent =100;
$special_key =’SK12345′;

if ($total_spent ==100 | | $special_key ==’SK12345′) {

         print(“Discount Granted!”);

}
else {

         print(“No discount for you!”);

}

Այժմ մենք ստուգում ենք երկու պայման և դրանցից միայն  մեկը պետք է ճիշտ լինի: Եթե դրանցից որևէ մեկը ճիշտ է, ապա կոդն աշխատում է: Եթե երկուսն էլ սխալ են, ապա PHP-ն անցնում է առաջ:

ԵՎ ու ԿԱՄ

Սրանք նույնն են ինչ առաջին երկուսը: ԵՎ-ը նույնն է ինչ որ &&-ը, իսկ ԿԱՄ-ը՝ ||: Դրանց միջև կա աննշան տարբերություն, սակայն որպես սկսնակ Դուք կարող եք պարզապես փոխարինել հետևյալը՝

$username ==’user’ && $password ==’password

Սրանով՝

$username ==’user’ AND $password ==’password

Իսկ սա՝

$total_spent ==100 | | $special_key ==’SK12345′

Սրանով՝

$total_spent ==100 OR $special_key ==’SK12345′

Դուք ազատ եք ընտրելու, թե որն եք ցանկանում օգտագործել: ԵՎ-ը շատ ավելի հեշտ է կարդալ քան &&-ը: Նույնը վերաբերում է նաև ԿԱՄ-ին:

Տարբերությունը Operator Precedence-ի մեջ է:

XOR

Հավանաբար, Դուք սա այնքան էլ հաճախ չեք օգտագործի: Այն պետք է գալիս այն ժամանակ, երբ Դուք ցանկանում եք ճշտել արդյոք երկու արժեքներից մեկն է ճիշտ, այլ ոչ երկուսը: Եթե երկուսն էլ ճիշտ են, PHP-ն դա դիտարկում է որպես սխալ: Եթե դրանք տարբեր են, ապա արժեքը ճիշտ է: Ենթադրենք՝ Դուք ցանկանում եք երկու մրցակիցներից հաղթողին ընտրել: Բնականաբար, նրանցից ՄԻԱՅՆ մեկը կարող է հաղթել: Դա XOR իրավիճակ է՝

$contestant_one = true;
$contestant_two = true;

if ($contestant_one XOR $contestant_two) {

        print(“Only one winner!”);

}
else {

         print(“Both can’t win!”);

}

Փորձե՛ք գուշակել, թե որը կարտատպվի:

! օպերատոր – ՈՉ (NOT)

Սա ՈՉ օպերատորն է: Այն կիրառվում է, որպեսզի ստուգվի արդյոք մի բանը մեկ այլ բան չէ: Այն նաև կիրառվում է, ճիշտ արժեքը սխալով փոխարինելու և հակառակի համար: Ահա կոդ, որ կարող եք փորձարկել՝

$test_value = false;

if ($test_value == false) {

       print(!$test_value);

}

Վերևում գրված կոդը կարտատպի 1 թիվը: (Դուք կտեսնեք, թե ինչու, երբ մենք անդրադառնանք Boolean արժեքներին:) Այստեղ մենք ասում ենք ՝ եթե $test_value-ն սխալ է, ապա դիր այն, ինչ որ նա չի հանդիսանում: Այն ինչ նա չի հանդիսանում ճիշտն է, այսպիսով այն կստանա այդ արժեքը: Միգուցե սա փոքր-ինչ շփոթացնող է, սակայն շատ օգտակար է:

Հաջորդ մասում մենք կանդրադառնանք Boolean արժեքներին:

Հարգելի ընթերցող, խնդրում ենք չմոռանալ like տալ մեր ֆեյսբուքյան էջին, քանի որ նորությունների մեծ մասը առաջինը տեղադրվում է հենց այնտեղ։ Ինչպես նաև հետևեք մեզ այլ սոցիալական ցանցերում և, իհարկե, գրանցվեք մեր բլոգում։

Share.