Դաս 4: Ի՞նչ ենք սովորել մինչ այժմ։

0

Միշտ սկսեք բազային կաղապարից, որը արդեն իսկ ստեղծել եք նախորդ դասերի ընթացքում:

 <html>

<head>

<title></title>

</head>

<body>

</body>

</html>

Head բաժնում գրեք վերնագիրը` <title> Ձեր էջի տիտղոսը </ title>: Ուշադրություն դարձրեք, թե ինչ տեսք կունենա այն Ձեր բրաուզերի վերին ձախ անկյունում:

Վերնագիրը շատ կարևոր է, քանի որ այն օգտագործվում է search engine-ների կողմից (ինչպիսիք են Google-ը) Ձեր կայքը ինդեքսավորելու և որոնման արդյունքներում ցուցադրելու համար։

Body բաժնում անհրաժեշտ է գրել էջի բովանդակությունը: Դուք արդեն գիտեք, որոշ կարևոր էլեմենտներ, ինչպիսք են՝

 <p>Is used for paragraphs.</p>              

<em>Emphasis text.</em>              

<h1>Heading</h1>              

<h2>Subhead</h2>              

<h3>Sub-subhead</h3>  

Հիշեք, որ HTML սովորելու ընթացքում դուք կգործեք բազում սխալներ: Սակայն մի անհանգստացեք, դրանից չի տուժի ո՛չ Ձեր համակարգիչը, ո՛չ էլ ինտերնետը։  Այնպես, որ շարունակեք փորձարկել։ Փորձ ձեռք բերելու համար դա միակ լավագույն միջոցն է:

Հավատացեք, որ ոչ ոք չի դառնի լավ ծրագրավորող միայն այս դասընթացների օրինակները սովորելով։ Այն, ինչ ասվում է այստեղ, պարզապես հիմունքներ են, որոնք օգտագործելով պետք է գտնեք ստեղծագործական նոր ուղիներ:

Փորձեք ինքներդ ստեղծել մի քանի էջ։ Օրինակ գրեք մի էջ, որը կունենա տիտղոս(title), վերնագիր(heading), ինչ-որ տեքստ (text), ենթավերնագիր (subhead)  և լրացուցիչ տեքստ։ Ձեր առաջին էջը գրելու ընթացքում ձեռնարկից օգտվելը թույլատրելի է։  Սակայն ավելի ուշ, փորձեք նույնը կրկնել և համոզվել, արդյոք Ձեզ կհաջողվի առանց կողմնակի օգնության, ինքնուրույն ստեղծել էջ։

Հարգելի ընթերցող, խնդրում ենք չմոռանալ like տալ մեր ֆեյսբուքյան էջին, քանի որ նորությունների մեծ մասը առաջինը տեղադրվում է հենց այնտեղ։ Ինչպես նաև հետևեք մեզ այլ սոցիալական ցանցերում և, իհարկե, գրանցվեք մեր բլոգում։

Share.