Հին համակարգչին նոր կյանք տալու լավագույն տարբերակը։

0

Ձեր համակարգիչը միանալու համար պահանջում է երկար ժամանակ, իսկ աշխատելու ընթացքում կատարումը այնքան դանդաղ է, որ ուղղակիորեն անհնար է իրականացնել հասարակ գործողություններ։ Եթե, այս իրավիճակը Ձեզ ծանոթ է, ապա մի հուսահատվեք, քանի որ այս խնդիրը կարելի է հեշտությամբ լուծել։

Այսպիսով, եթե չեք ցանկանում մեծ գումար ծախսել և գնել նոր համակարգիչ, իսկ ձերը ավելի քան մի քանի տարվա է, այն արագացնելու ամենաարդյունավետ և բյուջջետային տարբերակը կլինի կոշտ սկավառակի փոխարինումը SSD-ով (Solid State Drive)։ Հավատացեք, որ տարբերությունը լինելու է էական: Կարող եք նույնիսկ չկասկածել, որ այն ամբողջովին կփոխի ձեր համակարգչի կատարումը։ SSD-ով համալրված 5-ամյա համակարգիչը շատ ավելի արագ է, քան սովորական կոշտ սկավառակով աշխատող որոշ նոր համակարգիչներ: Հավելենք, որ, եթե SSD-ով համալրեք ձեր նոթբուքը, ապա այն կերկարաձգի նաև մարտկոցի կյանքը։

Մյուս լավ նորությունն այն է, որ սա բավականին հեշտ գործընթաց է և ոչ այդքան թանկ, քանի որ SSD-ները այժմ ավելի մատչելի են, քան մի քանի տարի առաջ: Այն ժամանակ

SSD-ները ավելի թանկ էին և ունեին ավելի քիչ պահեստներ հիշողություն, քան նույն արժողության ավանդական կոշտ սկավառակները: Սակայն այսօր դուք կարող եք ձեռք բերել 512GB պահեստային հիշողությամբ SSD մոտավորապես 200 դոլլարով:

Ստորև փորձենք բացատրել, թե ինչու է SSD-ն ավելի արագ և ինչպես այն ձեռք բերել։

samsung_850-768x432

Ինչո՞ւ է SSD-ն ավելի արագ:

Կոշտ սկավառակի աշխատանքը ժամանակատար է, քանի որ այն աշխատում է հատուկ մեխանիզմով։ Տարբերությունն այն է, որ վերջինս աշխատում է ներկառուցված պտտվող սկավառակներով և հաշվիչ գլխիկով, այնինչ SSD-ն աշխատում է չիպերով և ներակառուցված ոչ մի շարժական մեխանիզմ չունի:

Երբ ձեր համակարգիչը միանալու կամ ծրագրեր բացելու համար օգտագործի SSD-ն, բոլոր գործողությունները կլինեն ավելի արագ, քան հասարակ կոշտ սկավառակի օգտագործման դեպքում։ Նշենք նաև, որ արագությունից բացի SSD-ի աշխատանքը ավելի  հանգիստ է և արդյունավետ։

Ինչպե՞ս կոշտ սկավառակից անցնել SSD-ի։

Եթե վերջնականապես որոշել եք փոխաինել կոշտ սկավառակը SSD-ով, ապա առաջին հերթին անհրաժեշտ է ընտել համապատասխան մոդելը և գնել այն։ Որից հետո դուք կարող եք փոխել այն ինքներդ կամ դիմել համակարգչային մասնագետի։ Սակայն եթե Ձեր ուժերի վրա վստահ չեք կամ համակարգիչներից լավ չեք հասկանում, առանց երկմտելու, դիմեք մասնագետի։

Այս նոր թարմացումից հետո, ձեր արդեն իսկ SSD-ով համալրված համակարգիչը, յուրաքանչյուր գործողությանը կարձագանքի շատ արագ։

Այնպես որ, այլևս ստիպված չեք լինի երկար սպասել ծրագրերի բեռնմանը:

Share.