Երիտասարդը, ում գրպանում այրվել է Galaxy Note 7-ը, դատի է տվել Samsung-ին

0

Galaxy Note 7-ը Samsung-ի համար դարձել է աղետ։ Տեսնելով անվերջ բողոքները, որոնք ներառում են Note 7-ի այրվելը կամ նույնիսկ պայթելը, Samsung-ը այս ամսվա սկզբին կատարել է աննախադեպ քայլ կոչ անելով ետ վերադարձնել արդեն իսկ վաճառված սմարթֆոնները։

Ինչպես սպասվում էր, Samsung-ը կոչ է արել սպառողներին դադարեցնել Galaxy Note 7-ի օգտագործումը և անջատել այն մինչև սեպտեմբերի 15-ը։ Samsung-ը պնդում է, որ սեպտեմբերի 21-ից հնարավոր կլինի փոխարինել սմարթֆոնները առևտրի մանրածախ կետերում:

Սակայն Note 7-ի դատական հայց արդեն իսկ սկսվել է: Ինչպես հաղորդվում է՝ անցած ուրբաթ Ֆլորիդացի Ջանատան Սթրոբելը դատի է տվել Samsung-ին այն բանից հետո, երբ Note 7-ը իր այրվել է տաբատի առջևի գրպանում։  Միջադեպի պատճառով երիտասարդը ստացել է ծանր այրվածքներ, ինչպես նաև այրել է ձախ ձեռքը հեռախոսը գրպանից հեռացնելիս:

explosive-start-for-samsung-galaxy-note-7-more-phones-catch-fire-while-charging-507793-4

«Երիտասարդը ունի երկրորդ աստիճանի այրվածքներ իր աջ ազդրին», – ասել է Սթրոբելի փաստաբանը։ «Ցավում եմ, սակայն իմ պաշտպանյալի համար արդեն չափազանց ուշ է վերադարձնել հերառոսը»։ Հարկ է նշել, որ վերը նշված միջադեպը տեղի է ունեցել սեպտեմբերի 9-ին:

Դատական այս հայցով Samsung-ից պահանջվում է չհստակեցված վնասների փոխհատուցում, ինչպես օրինակ՝  բժշկական օգնություն, կորցրած աշխատավարձ, ցավ և տառապանք:

Օգոստոսի 19-ին՝ Note 7-ի թողարկումից հետո Samsung-ը ընդհանուր առմամբ ստացել է 92 բողոք։ Որոնցից 26-ը ներառում են այրվածքներ, իսկ 55 գույքային վնաս:

Share.