Այս քարտեզը ցույց է տալիս աշխարհի օդանավակայանների WIFI գաղտնաբառերը

0

Ճանապարհորդելիս ամենամեծ անհարմարություն պատճառող բաներից մեկը կարող է լինել այն պահը, երբ Դուք ստիպված եք ժամեր շարունակ սպասել օդանավակայանի տերմինալում, ունեք բազմաթիվ մեյլեր ստուգելու, սակայն չունեք WIFI։

Չնայած որ շատ օդանավակայաններ տարբեր պահանջներ են ներկայացնում WIFI տրամադրելու համար, Անիլ Փոլատ անունով ճանապարհորդել սիրող բլոգգերը (նրա բլոգն է foXnoMad) ստեղծել է մի քարտեզ, որը պարունակում է աշխարհի շատ օդանավակայանների WIFI ցանցերի անվանումներն ու գաղտնաբառերը։

«Օդանավակայանում բաց WIFI ցանց գտնելը միշտ չէ, որ հեշտ է կամ հնարավոր է, հենց այդ պատճառով եմ ես որոշել ստեղծել այս մշտապես թարմացվող քարտեզը, որը պարունակում է աշխարհի շատ օդանավակայանների WIFI գաղտնաբառերը», – գրում է Անիլը։

Նա նաև թարմացնում է foXnoMad Facebook page էջը, երբ ավելացվում է նոր գաղտնաբառ։

Ուսումնասիրե՛ք քարտեզը Ձեր գալիք ճանապարհորդությունների համար։ Շատ գաղտնաբառեր այնքան հեշտ են, որ դրանք հիշելու համար ջանք չի պահանջվում, օրինակ Սան Դիեոգոյի միջազգային օդանավակայանի WIFI գաղտնաբառն է “firstclass”, իսկ Montréal-Pierre Elliott Trudeau միջազգային օդանավակայանում VIP Maple Lounge-ի գաղտնաբառն է “montreal”։

Share.