Mercedes-ը ներկայացրել է նոր G-Class-ը

0

Միացյալ Նահանգների Դետրոյթ քաղաքում ընթացող միջազգային ավտոշոուի ընթացքում գերմանական Mercedes-Benz ընկերությունը ներկայացրել է իր լեգենդար G-Class-ի նոր մոդելը, որը ստացել է 2019 G550-ը անվանումը։

Արտաճանապարհային մեքենան արտքանապես չի տարբերվում G դասի նախորդ մոդելներից, քանի որ ընկերությունը ամեն կերպ  փորձել է պահպանել մեքենայի այցեքարտ դարձած, լեգենդար ուղղանկյունաձև դիզայնը: Իհարկե, առաջին հայացքից նոր մոդելի արտաքին դիմագծերը մնացել են անփոփոխ, սակայն չափսերով այն ավելի մեծ է։ Ինչի արդյունքում էլ էականորեն ընդարձակվել է մեքենայի ներքին սրահը։

Ի տարբերություն արտաքին դիզայնի զգալի փոփոխությունների է ենթարկվել մեքենայի ներքին դիզայնը։ Մեքենայի սրահը այժմ շատ ավելի շքեղ է և ժամանակակից։ G-Class սերնդի նոր մոդելը համալրված է նորագույն տեխնոլոգիաներով, որոնց թվում է 16 բարձրախոսով Burmester աուդիոհամակարգը և առջևի մասում տեղադրված 12.3 դյույմանոց երկու կառավարման մոնիտորները։

Մեքենայի մյուս առանձնահատկություններից նշենք նաև MBUX ձայնային օգնականի առկայությունը։

Մեքենան համալրված է 416 ձիաուժ հզորությամբ, 4.0 լիտր ծավալով, biturbo V8 շարժիչով։ Ինչպես նաև այն ունի 9 աստիճանի 9G-Tronic ավտոմատ փոխանցման տուփ: Բացի այդ ամենագնացը  առաջարկում է վարման հինգ տարբեր ռեժիմ, որոնք հնարավոր է փոխել ըստ նախընտրությունների։ Դրանք են՝  Comfort, Individual, Eco, Sport և G mode։ Նշված ռեժիմներից առավել աչքի է ընկնում է ECO-ն, որը ապահովում է վառելիքի նվազագույն ծախս և արտաճանապարհային ընթացքի համար նախատեսված G mode-ը։

Նորույթը վաճառքի դուրս կգա 2018 թվականի գարնանը։ Մեքենայի մեկնարկային գինը՝ 107.000 եվրո է։

17C986_006

Mercedes-Benz G-Klasse 2018 // Mercedes-Benz G-Class 2018

2019-mercedes-benz-g-class-192019-mercedes-benz-g-class-24

2019-mercedes-benz-g-class-717C977_002mercedes-benz-official-images-2018-g-class-03mercedes-benz-official-images-2018-g-class-08

Share.