Ներկայացվել է Gelandewagen-ի չինական կրկնօրինակը։

0

Նորություն չէ, որ չինացիների մոտ բավականին լավ է ստացվում հայտնի ապրանքանիշերի կրկնօրինակումը սկսված սմարթֆոններից վերջացրած այլ տեխնիկայով։ Եվ այս հարցում բացառություն չեն կազմում նաև ավտոմեքենաները։ Ինչպես գիտք, նախկինում չինացիները արդե իսկ հասցրել էին կլոնավորել մի շարք հայտնի մակնիշների՝ Range Rover, Porsche, Ford և Lexus-ի առանձին մոդելներ, իսկ այս անգամ ցանկը համալրել է նաև աշխարհառչակ Mercedes Benz-ը։

Չինաստանի մայրաքաղաք՝ Պեկինում ընթացող միջազգային ավտոսրահի շրջանակներում չինական Beijing Auto մեքենաշինական ընկերությունը ներկայացրել է BJ80 6×6 վեցակնանի արտաճանապարհային մեքենան, որն արտաքուստ շատ նման է Mercedes-Benz G 63 AMG 6×6-ին:

Դատելով լուսանկարներից, կարելի է եզրակացնել, որ նույնիսկ մեքեանայի սրահը չի տարբերվում օրիգինալ Mercedes-Benz G 63 AMG 6×6-ից։ Մեքենայի սրահը աչքի է ընկնում իր շքեղությամբ և բարձրորակ նյութերի՝ փայտի և կաշվի օգտագործմամբ։

Չնայած մեքենանների արտաքին նմանությանը տեխնիկական որոշակի տարբերություններ, իհարկե, ակնհայտ են։ Այս հարցում չինական կրկնօրինակը, անկասկած, զիջում է գերմանական նախատիպին։ Այնպես, որ ստորև կներկայացնենք, այդ տարբերություններից մի քանիսը։

Օրինակ․ ի տարբերություն, մեքենայի օրիգինալ մոդելի, որը համալրված է 5.5 լ աշխատանքային ծավալով, 544 ձիաուժ հոզորությամբ V8 երկտուրբո շարժիչով, չինական տարբերակը համալրված է հիբրիդային ուժային համակարգով։ Վերջինս էլ իր հերթին բաղկացած է 2.3 լ աշխատանքային ծավալով, 250 ձիաուժ հզորությամբ Saab բենզինային տուրբոշարժիչից, ինչպես նաև էլեկտրական շարժիչներից: Արտադրողի այս ընտրությունը պայմանավորված է, այն փաստի հետ, որ 2009 թվականին BAIC կորպորացիան արդեն իսկ գնել էր Saab բենզինային տուրբոշարժիչի իրավունքները ամերիկյան GM կոնցեռնից։

Մեքենայի արժեքի մասին դեռևս տեղեկություններ չկան։

BJ80 մեքենայի զանգվածային արտադության մասին, ընկերությունը, նույնպես տեղեկություններ չի հաղորդում։ Ենթադրաբար, վեցակնանի մեքենան կթաղարկվի սահմանափակ քանակությամբ։

2018-baic-bj80-6x6--image-via-autohome_100650351_l38052cf955c1978ec74bc06be24224d0243ffcbbbeijing-bj80-6x6-3

Share.