Mercedes-Benz-ը ներկայացրել է Maybach S-Class-ի նոր տարբերակը։

0

Գերմանական մեքենաշինական Mercedes-Benz ընկերությունը ներկայացրել է առաջատար Maybach S-Class ներկայացուցչական մոդելի թարմացված տարբերակը:

Իհարկե այս անգամ ևս ընկերությունը փորձել է պահպանել մեքենայի այցեքարտ դարձած դիզայնը, սակայն նոր մոդելը ենթարկվել է որոշ փոփոխությունների։ Վերջինս տարբերվում է նախորդներից մի քանի նոր հատկանիշներով։ Առաջին հայացքից նոր մոդելի արտաքին դիմագծերը մնացել են գրեթե անփոփոխ, սակայն չափսերով մեքենան ավելի երկար է, քան սերնդի նախորդ մոդելները։ Բացի այդ աչքի է ընկնում նաև մեքենայի դիմային ճաղավանդակների փոփոխված դիզայնը։

Նորարություններից մյուսը և գլխավորը՝ մեքենայի երկգույն թափքն է։

Երկգույն Mercedes-Maybach S-Class-ը հասանելի կլինի 9 տարբեր գունային համադրություններով։ Իսկ այն հաճախորդները, ովքեր կցանկանան մեքենային ավելի շքեղ տեսք տալ, կարող են պատվիրել մեքենայի՝ արտաքինից կրկնակի լաքապատում ստացած տարբերակը։

Մեքենան հասանելի կլինի գնորդին երկու տարբերակով՝ Maybach S 560 և Maybach S 650: Վերը նշված S 560 մոդելը համալրված կլինի 469 ձիաուժ հզորություն ունեցող 4 լիտր աշխատանքային ծավալով V8 շարժիչով (100 կմ/ժ՝ 4.9 վայրկյանում): Իսկ մեքենայի մյուս տարբերակը՝ 6 լիտր աշխատանքային ծավալով V12 շարժիչով, որի հզորությունը 630 ձիաուժ է (100 կմ/ժ՝ 4.7 վայրկյանում)

Նշենք, որ Maybach S 560 և Maybach S 650 սեդանի պաշտոնական շնորհանդեսը կկայանա մարտին՝ Ժնևի միջազգային ավտոսրահում, իսկ ապրիլ ամսին մեքենան կհանվի վաճառքի։

5a834243d0307229008b479a-750-562

Mercedes-Maybach S-Klasse; Interieur: Leder schwarz // Mercedes-Maybach S-Klasse interior: leather black

2019-mercedes-maybach-s-class-doubles-down-on-luxury_22019-mercedes-maybach-s-class-side-

Share.