Microsoft-ը ներկայացնում է նոր՝ ավելի արդիականացված Xbox One-ը՝ որպես մրցակից թարմացված Sony PlayStation-ին

0

Երկուշաբթի օրը USC-ի Galen Center-ում  Microsoft Corp. հայտարարել է իր Xbox One-ի ավելի բարակ տարբերակի թողարկան մասին:

Նոր սարքը, որը մինչ այժմ թողարկվածներից ամենափոքրն է՝ շուրջ 40%-ով փոքր իր նախորդից, բացահայտվել է Լոս Անջելեսում երեքշաբթի օրը մեկնարկվող Electronic Entertainment Expo-ին ընդառաջ:

Համակարգը բաղկացած է 2-terabyte hard drive-ից և ապահովելու է 4K resolution Blu-ray discs-երի համար: Ի տարբերություն իր նախորդի՝ սարքը ունենալու է հատուկ հենակ, որը թույլ կտա այն կանգնեցնել ուղղահայաց: Նոր XBox-ը վաճառքի կհանվի այս օգոստոսին 299 դոլարից սկսվող գնով:

Հայտարարությունը տարածվեց ժամեր առաջ նրանից, երբ մրցակից Sony-ն պատրաստվում էր քննարկել PlayStation 4-ի նոր թարմացված տարբերակը: Վերլուծաբանները կանխատեսում են, որ այն կունենա բարելավված գրաֆիկա, ավելի մեծ հիշողություն և կապահովի 4K:

Sony-ն դեռ նոր է պատրաստվում հայտարարել սարքի գինը, սակայն սպասվում է, որ այն ավելի բարձր կլինի քան ներկայիս Playstation 4-ի 350 դոլար գինն է:

Եթե դա ճիշտ է, ապա, հավանաբար, Microsoft-ը ավելի շահեկան դիրքում կգտնվի սկզբնական շրջանում՝ վայելելով հաջողություն իր նոր Xbox One մոդելի վաճառքներից:

Մեդիա-խորհրդատվական կազմակերպություն Magid Advisors-ի նախագահ Մայք Ուորհաուսի խոսքերով գինը շատ կարևոր դեր է կատարում: Պատճառն այն է, որ նոր թողարկված սարքերը ընդամենը որոշ բարելավումներ են ներկայացնում, այլ ոչ՝ լիովին նոր տարբերակներ, այսպիսով, մի քանի դոլարի խնայումը կարող է գրավել սպառողներին:

«Մենք կրկին ականատես կլինենք, թե ինչպես է սկզբնական փուլում առաջատար դառնում ավելի մատչելի պրոդուկտը. Xbox-ը թույլ կտա Microsoft-ին գրավել այն հաճախորդներին, ովքեր դեռ չունեն նման սարք, միևնույն ժամանակ՝ նաև նրանց, ովքեր արդեն ունեն PS4»:

Իսկ այդպիսիք բավականին շատ էին. Sony-ն վաճառել էր PS4 կրկնակի անգամ ավելի շատ, քան Microsoft-ը՝ Xbox One:

Շուկայում, ուր խաղային սարքերը ստիպված են մրցակցել հեռախոսների, համակարգիչների, նույնիսկ վիրտուալ սաղավարտների հետ, դրանց վաճառքները շարունակում են մնալ ամուր դիրքերում՝ չնայած դաշտի հագեցվածությանը:

Երեքշաբթի օրը տեղի ունեցած E3 մամլո ասուլիսի ժամանակ Microsoft-ը ներկայացրեց cross-platform (միջհարթակային) խաղերի գաղափարը, որը ենթադրում է հնարավորություն խաղային սարքերով խաղալու համակարգչի դեմ և հակառակը: Դա մի քայլ է, որ կարող է օգնել պահպանել դաշտում մրցակցութունը և աճը:

Խաղային ոլորտի վերլուծաբան Անդրու Ալվարեսը նշում է, որ բոլորը կարծում էին, թե այս սերնդի խաղային սարքերը առաջվա պես լավ չեն վաճառվի, սակայն դա չի համապատասխանում իրականությանը, քանի որ կա մարդկանց մի ստվար զանգված, որը մինչ այժմ հետաքրքված է այդ սարքերով:

Share.