Microsoft-ը ներկայացրել է Surface Book 2-ը, որը ունի 17 ժամ մարտկոցի կյանք

0

Այս շաբաթ Microsoft-ը պաշտոնապես ներկայացրել է Surface Book 2-ը՝ ամենահզոր Surface նոթբուքը: Նոթբուքը իր օգտատերերին ոչ միայն տրամադրում է պլանշետի հնարավորություն, այլ նաև ապահովում է սեղանի համակարգչի հզորությամբ։

Վերջին 8-րդ Gen Intel Core պրոցեսորները և NVIDIA-ի GeForce GTX 1050 և 1060 գրաֆիկական քարտերը դարձնում են Surface Book 2-ը հինգ անգամ ավելի հզոր, քան իր մրցակիցը՝ Apple-ի վերջին MacBook Pro-ն: Մարտկոցի կյանքը թույլ է տալիս մինչև  17 ժամ անդադար տեսահոլովակի նվագարկումը, որը 70%-ով ավելին է, քան MacBook Pro-ի մարտկոցի կյանքը։

Surface Book 2-ի հիանալի PixelSense դիսփլեյը բազմաֆունկցիոնալ է․այն multi-touch ֆունկցիա, ինչպես նաև աջակցում է Surface Pen և Surface Dial-ը։ Նոթբուքի 13 դյույմանոց տարբերակը առաջարկում է էկրանի 3000 x 2000 պիքսել թողունակություն, իսկ 15 դյույմը՝ 3240 x 2160 պիքսել։ Պահեստային հիշողությունը սկսվում է 256 GB-ից և հասնում 1 TB-ի։

d3cb5276df6706509a17aaacac16505f-660x372

Ինչպես տեսնում եք, այս ամբողջ հզորությունը ներառված է թեթև և բարակ նոթբուքում։ Surface Book 2-ի 13 դյույմանոց տարբերակը կշռում է 3.38 ֆունտ, իսկ 15 դյույմանոց մոդելը՝ 4.2 ֆունտ:

Ի տարբերություն իր նախորդ տարբերակի, նոթբուքը այժմ ավելի հարմար կերպով է վերափոխվում պլանշետի կամ այսպես կոչված Studio ռեժիմի, որը համալրված է USB-A, USB-C և full-size SD քարտի սլոթով։

Գեյմերների համար նշենք, որ Surface Book 2-ի իր հզորությունը նույնպես բավարար է գերհզոր համակարգչային վիդեոխաղեր խաղալու համար (1080p/60FPS): Windows-ի Mixed Reality Ultra-ի շնորհիվ կարող եք նաև շրջել VR աշխարհում:

Microsoft-ի Surface Book 2-ը ՄՄՆ-ում վաճառքի դուրս կգա նոյեմբերից։ 13 դյումանոց մոդելի մեկնարկային գինը կկազմի 1500 դոլար է, իսկ 15 դյումանոց տարբերակինը՝ 2500 դոլար:

ccd700117e6356079e2da510f28d66b1-660x372

Share.