Microsoft-Nissan համագործակցությունը դիտարկում է ապագայի մեքենաները որպես համակարգիչներ

0

Windows հեռախոսների ապագան կարող է կասկածի տակ լինել, սակայն Microsoft-ի տեսլականը այժմ այլ ուղղություն է ձեռք բերում, այն է՝ մեքենաներ: Renault-Nissan – ի հետ համագործակցության շրջանակներում ապագայի մեքենաները դիտարկվում են այնպես, ինչպես Microsoft-ը դիտարկում է համակարգիչները:

Microsoft-ը երկուշաբթի օրը հայտնել է, որ երկարաժամկետ պայմանագիր է կնքել Renault-Nissan-ի հետ, որի արդյունքում կհզորացնի ավտոարտադրողների ապագա մեքենաները՝ օգտագործելով   Microsoft-ի Azure cloud տեխնոլոգիան: Renault-Nissan-ը հայտնել է, որ հույս ունի 10 մոդել ինքնակառավարվող մեքենաներ ունենալ մինչև 2020 թ. և կօգտագործի Microsoft-ի cloud-ը վարորդների ժամանակը օպտիմալիզացնող տեխնոլոգիաներ ստեղծելու համար:

auto-tecnologia-connected-cars-2-imc

Այս համագործակցության հետաքրքիր կողմն այն է, թե ինչպես է Renault-ն դիտարկում ապագայի մեքենաները, այսինքն՝ որպես համակարգիչներ: Օրինակ՝ եթե Դուք գնում եք Renault կամ Nissan մեքենա, հետո գնում եք նույն բռենդերից ևս մեկ մեքենա, ապա Դուք պետք է log in լինեք համակարգ և Ձեր տվյալները (օրինակ՝ երթուղիները) կփոխանցվեն նոր մեքենային:

Nissan-ը խոստանում է արդյունավետություն ապահովել վարորդների համար՝ մեքենաներում ներդնելով Office: Microsoft-ը այս ամիս՝ ավելի վաղ, պայմանագիր էր կնքել Mercedes-Benz-ի հետ, որի շրջանակներում ներկայացվել է ”In Car Office” –ը, որը վարորդի օրացույցն ու կոնտակտները հասանելի է դարձնում մեքենայի dashboard-ից:

Microsoft-ը նախկինում մեծ դեր ուներ ինտերնետին միացված մեքենաների (connected cars) ոլորտում շնորհիվ Microsoft-ի կողմից ստեղված Sync կոչվող տեխնոլոգիայի, որն օգտագործվում էր Ford մեքենաներում: 2014 թ.-ին, երբ Ford-ը գերադասեց անցնել BlackBerry-ի QNX համակարգին Microsoft-ի ապագան մեքենաների ոլորտում մշուշոտ դարձավ: Այժմ պարզ է դառնում, որ Microsoft-ը չի նահանջել իր նպատակներից և կշարունակի աշխատել մեքենաների համակարգերի վրա՝ թողնելով դիզայնին վերաբերող հարցերը ավտոարտադրողներին:

Share.