Microsoft-ը մեկնարկել է Qualcomm պրոցեսորով առաջին նոթբուքները։ Մարտկոցի կյանքը՝ 20 ժամ։

0

Բազմաթիվ խոստումներից և բարձրաձայն հայտարարություններից հետո Qualcomm-ը և Microsoft-ը վերջապես պաշտոնապես ներկայացրել են առաջին «հեղափոխական» նոթաբուքները ներկառուցված ARM պրոցեսորով, որոնք աշխատում են Windows 10 օպերացիոն համակարգով։

Արտաքին տեսքից նոր նոթբուքները էապես չեն տարբերվում նախորդներից, սակայն օգտագործված Qualcomm Snapdragon 835 պրոցեսորը (ARM նախագծով) հնարավորություն է տալիս նոթբուքին աշխատել 20-22 ժամվա ընթացքում ընդամենը մեկ լիցքով։ Նշենք, որ այս չիպերը սովորաբար օգտագործվում են սմարթֆոններում և աչքի են ընկնում իրնց էներգոարդյունավետությամբ։

Այսպես կոչված «ARM» նոթբուքների առաջին արտադրողները կլինեն Lenovo-ն, Asus-ն և HP-ն։ Վերջիններս արդեն իսկ ներկայացրել են համապատասխան սարքերը՝ HP Envy X2-ը և ASUS NovaGo-ը:

ASUS_DragonBook__2_Ստորև կներկայացնենք, այս երկու սարքերի տեխնիկական բնութագիրը։

HP Envy X2-ը սարքը ունի 12.3 դյույմանոց (կետայնությունը՝1920×1280) սենսորային էկրան։ Այն համալրված է ներկառուցված SoC Snapdragon 835 պրոցեսորով, 4 կամ 8 GB օպերատիվ հիշողությամբ, ինչպես նաև 64-ից մինչև 256 GB պահեստային հիշողությամբ: ASUS NovaGo-ը նույնպես ներառում է վերը նշված բոլոր հատկանիշները, սակայն տարբերվում է 360 ° պտտվող էկրանով, որի չափը կազմում է 13.3 դյույմ։ Այս սարքերից յուրաքանչյուրը համալրված է x16 LTE մոդեմով, որի թողունակությունը կարող է հասնել մինչև 1 GB վարկյանում։ Նշենք, որ LTE մոդեմը ընձեռում է վիրտուալ SIM քարտի կամ nano Sim-ի հնարավորություն:

Ամենայն հավանականությամբ, նոթբուքները դուրս կգան վաճառքի  հաջորդ տարվա սկզբին և կարժենան մոտավորապես 600-ից  800$:

 

Share.