Microsoft-ն ընդդեմ Apple-ի՝ երկու վիդեոհոլովակ, որոնք կցուցադրեն տարբերությունները

0

Անցյալ շաբաթ երկու կազմակերպություններն էլ ունեցել են իրենց շոուն: Նրանցից մեկը, սակայն, առավել վառ երևակայությամբ է հանդես եկել: Ներկայացված վիդեոհոլովակները դա ակնհայտ կդարձնեն Ձեզ համար:

Շատերի կարծիքով Microsoft-ն աճում է, իսկ Apple-ը՝ ձանձրացնում:

Նախորդ շաբաթ, երբ երկու կազմակերպություններն էլ ներկայացրին իրենց նոր սարքերը, ստեղծվեց այնպիսի տպավորություն, որ Microsoft-ը նորույթ է թողարկում, մինչդեռ Apple-ը ներկայացնում է մեզ արդեն ծանոթ սարքը մի քանի ավելացված emoji-ներով:

Սակայն դա, իհարկե, չի նշանակում, որ բոլորն անմիջապես կփոխարինեն իրենց Apple համակարգիչները Microsoft-ով: Այնուամենայնիվ, դա խոսում է այն մասին, որ Microsoft-ը վերջապես հասկացել է, որ պետք է ոգենչի մարդկանց, որպեսզի կարողանա գրավել նրանց որպես գնորդներ:

Ինքներդ դիտե՛ք և համեմատե՛ք երկու կազմակերպությունների վիդեոհոլովակները, որոնք ներկայացնում են նրանց նոր արտադրանքները:

Ինչպես տեսնում ենք, Apple-ը հավատարիմ է մնացել իր բանաձևին. Ջոն Իվի ձայնը զուգակցվում է նոր համակարգչի նկարների հետ և առաջին արտահայտությունը, որ մենք լսում ենք արտադրանքի մասին հետևյալն է՝ անկոտրում արտադրողականություն (uncompromising performance):

Microsoft-ի պարագայում՝ նախաբանի փոխարեն մենք լսում ենք երաժշտություն «Չարլին և շոկոլադի ֆաբրիկան ֆիլմից», իսկ «անկոտրում արտադրողականություն» արտահատության փոխարեն հնչում է մեկ բառ՝ երևակայություն: Apple-ի ապրանքատեսակները բծախնդիր հստակությամբ նկարագրող ձայնի փոխարեն, Microsoft-ը, պարզապես, ասում է՝ հեյ, տեսե՛ք սա: Տարօրինակ է տեսնել, թե ինչպես է Microsoft-ը աշխատում մարդկանց մոտ դրական զգացմունքներ առաջացնելու ուղղությամբ, մինչդեռ Apple-ը ցուցադրում է իր՝ կրկնվող և արդեն հնաոճ գովազդային հոլովակը:

Ներկայումս Apple-ի վիդեոն YouTube-ում  դիտվել է գրեթե 3 միլիոն անգամ, իսկ Microsoft-ինը՝ 8 միլիոն:

Share.