Microsoft-ը մտադիր է ծալվող էկրանով սմարթֆոն ստեղծել։

0

Վերջերս ծալվող հեռախոսների գաղափարը լայն տարածում է գտել սմարթֆոններ արտադրող ընկերությունների շրջանում։ Որոշ ժամանակ առաջ խոսակցություններ էին պտտվում Samsung-ի նոր Galaxy X ծալվող սմարթֆոնի մասին, որն, ամենայն հավանականությամբ, ընկերությունը նախատեսում է մեկնարկել հաջորդ տարի:

Այսպիսով, ծալվող սմարթֆոնների թեման շարունակվում է։ Ըստ տեղեկատվական արտահոսքի՝ հայտնի է դարձել, որ Microsoft ընկերությունը նույնպես աշխատում է ծալվող էկրանով սմարթֆոն ստեղծելու ուղղությամբ:

Իհարկե, չի բացառվում, որ այն կարող է լինել ընկերության երկար սպասված Surface Phone սմարթֆոնը։

Առաջին հայացքից սարքը իր ճկունությամբ հիշեցնում է Lenovo-ի Yoga պլանշետը, սակայն տարբերվում է վեջինից իր երկու էկրանով։

Համացանցում նույնիսկ հրապարակվել են սմարթֆոնի իրատեսական պատկերները, որոնք ստեղծվել են ըստ Microsoft-ի նկարագրությունների: Ինչպես տեսնում եք ստորև ներկայացված պատկերներից, սարքը հնարավոր է գրքի պես մեջտեղից ծալել կամ օգտագործել բացված վիճակում։ Շրջանառվող լուրերի համաձայն սմարթֆոնի հնարավոր կլինի վերածել պլանշետի։

Ապագա սմարթֆոնի տեխնիկական բնութագրի վերաբերյալ այլ մանրամասներ դեռևս հայտնի չեն։

Ամենայն հավանականությամբ, Microsoft-ը իր այս նորույթով ցանկանում է հեղաշրջում իրականացնել տեխնոլոգիական ոլորտում և, իհարկե, վերականգնել իր երբեմնի դիրքերը սմարթֆոնների համաշխարհային շուկայում:

Նշենք, որ ամերիկյան տեխնոլոգիական ընկերությունն արդեն իսկ արտոնագրել է նոր սարքը։

DRVaKWRWAAEqncBmicrosoft-foldable-mobile-device-surface-patent-1microsoft-foldable-mobile-device-surface-patent-2microsoft-foldable-mobile-device-surface-patent-3surfacephoneconcept1.0

Share.