Երբևէ ստեղծված ամենաաներևակայելի iPhone-ի պատյանը

0

Mokase կոչվող iPhone-ի պատյանի յուրահատկությունը կայանում է նրանում, որ նրա հիմնական ֆունկցիան բացի հեռախոսը պաշտպանելուց սուրճ պատրաստելն է: Այս կրեատիվ պատյանը իր ներսում կարողանում է փոքր չափաբաժնով սուրճ պատրաստել և մատուցել Ձեզ այն պահին, երբ կցանկանաք: Չէ՞ որ ժամանակակից կյանքում հեռախոսը մեր կյանքի անբաժանելի մասնիկն է և գրեթե ամենուր մեզ հետ է:

7fbf1708d693156f562ddb5fb2ce8177_original

Mokase-ն սուրճը մատուցում է հատուկ քարթրիջների օգնությամբ, որոնք պարունակում են արդեն պատրաստ էսպրեսսո: Սուրճը վայելելու համար բջջային հավելվածի միջոցով անհրաժեշտ է հրահանգել պատյանին, որպեսզի այն տաքացնի սուրճը: Եվ երբ դրա ջերմաստիճանը հասնի 50-ից 60 աստիճանի, Դուք կարող եք լցնել այն:

Ի սկզբանե Mokase-ն հանդես է եկել որպես Kickstarter նախագիծ, սակայն այնուհետև ժամանակավորապես դադարեցվել է:  Բայց պատճառը ոչ թե անհաջողությունն է, այլ հակառակը՝ ինչպես նշում են հեղինակները՝ մարդկանց բուռն արձագանքի պատճառով իրենց թիմը որոշել է արագորեն անցնել գադջեթի արտադրությանը և վաճառքի մեկնարկին:

9af9d46bcaad7ab1d6b5ab6bc54154b9_original

Ինչպես կարող եք տեսնել promo հոլովակում՝ պատյանը բավականին խոշոր է, սակայն կարողանում է մատուցել միայն փոքր  քանակությամբ սուրճ: Այնուամենայնիվ, հեղինակները խոստանում են նորարար պատյանի բարելավում և հույս հայտնում, որ այն լայն տարածում ձեռք կբերի:

Նախատեսվում է, որ Mokase-ն հասանելի կլինի iPhone 6, 6s, 7, և 7 Plus հեռախոսների, ինչպես նաև բազմաթիվ Samsung, Huawei և անգամ LG G5 սմարթֆոնների համար:

Share.