Մոսկվայում բացվել է սեքս-ռոբոտներից բաղկացած առաջին հասարակաց տունը։

0

Մոսկվայում բացվել է առաջին հասարակաց տունը՝ Dolls Hotel, որտեղ հաճախորդներին իրական աղջիկների փոխարեն սպասում են սեքս-ռոբոտները:

Սպորտային մրցաշարից օրեր առաջ իր դռները բացած Dolls Hotel-ի գլխավոր նպատակն է ներգրավել այնպիսի հաճախորդների ինչպիսիք են ֆուտբոլի աշխարհի առաջնության երկրպագուները և գուցե, նույնիսկ, հայտնի ֆուտբոլիստները։

Dolls Hotel-ը գտնվում է Մոսկվա-Սիթի թաղամասում։ Համարը հյուրանոցում ժամավճարային․մեկ ժամվա համար հաճախորդից գանձվում է 1500-2500 ռուբլի (24-40$), իսկ սեքս-ռոբոտի հետ միասին ընդհանուր վճարը կկազմի մոտավորապես 5000 ռուբլի։ Հաճախորդներին հնարավորություն է տրվում ընտրել նաև հյուրանոցային համարի տեսակը՝ առկա մի շարք կատեգորիաներից (ինչպես օրինակ՝ «Fantasy», «With cage» կամ «Lux»):

Տիկնիկները արտաքնապես իրատեսական են։ Վերջիններս կրում են Լոլիտա, Սաշա, Ալիսա, Նատաշա անունները։  Նրանք պատրաստված են հատուկ փափուկություն ունեցող նյուրթից՝ ջերմապլաստիկ էլաստոմերներից, որի շնորհիվ տիկնիկների «մաշկը» թե արտաքին նմանությամբ, թե տակտիլ առումով հիշեցնում է մարդկային մաշկը: Բացի այդ տիկնիկները համալրված են արհեստական բանականությամբ (ինտելեկտով), մեխանիկական շարժումներով, ինչպես նաև տաքացման համակարգով՝ մարդկային մարմնի ջերմությունը փոխանցելու համար:

Ըստ հյուրանոցի հիմնադիր Դմիտրի Ալեքսանդրովի, յուրաքանչյուր հաճախորդից հետո տիկնիկները մանրակրկիտ ձևով ախտահանվում են՝ միջազգային չափանիշներին համապատասխան հատուկ լուծույթներով և նյութերով։ «Այնպես, որ վարակի վտանգ չկա », – ավելացրեց նա:

Նա նաև նշել է, որ ռուսների 36%-ը դժգոհ է իր սեռական կյանքից։ «Այսպիսով, նման հաստատությունների ստեղծում Ռուսաստանում անվտանգ ճանապարհ է սեռական կյանքը բարելավելու, ինչպես նաև պայքարելու կանանց սեռական շահագործման խնդրի դեմ», – ասել է նա։

Նշենք, որ նման հաստատություններ վերջերս բացվել են նաև Եվրոպական մի շարք երկրներում, օրինակ՝ Իսպանիայում, Ֆրանսիայում և այլն։

1525987215_seks-roboty1

1525987249_seks-roboty2sex bot

Share.