Սուպեր մատչելի նոր սմարթֆոն Motorola-ից

0

Motorola-ն հայտնի է հիանալի բյուջետային հեռախոսների արտադրությամբ, ինչպիսիք օրինակ Moto G5-ն է և G5 Plus-ը: Այդ շարքի վերջին նորույթն է Moto E4-ը, որը աշխատում է Android Nougat 7.1-ով և ունի մի շարք նորաձև հատկանիշներ, այդ թվում՝ մատնահետքի սենսոր, հանվող մարտկոց և դիմային տեսախցիկի ֆլեշ: Հեռախոսը իր չափերով նման է iPhone 7-ին: Մոդելի առանձնահատկությունը դրա մատչելի գնի մեջ է. E4-ը արժե ընդամենը $130 unlock արված վիճակում:

Սակայն մատչելիությունը, այնուամենայնիվ, արտահայտվում է որոշ հատկանիշներում, օրինակ սմարթֆոնի պրոցեսսորը շատ արագ չէ, էկրանը արևի լույսի տակ լավ չի երևում, իսկ տեսախցիկը դանդաղ է նկարում:

Moto-E4

Եթե այս ամենը չի համապատասխանում Ձեր պատկերացումներին, ապա կարող եք գնել Motorola-ի այլ մոդելներ, որոնք ևս չի կարելի թանկարժեք անվանել, սակայն դրանք ավելի հզոր են:

ԱՄՆ-ում և Միացյալ Թագավորությունում Motorola-ն ներկայացնելու է նաև  E4 Plus-ը, որն ունի ավելի մեծ էկրան, հզոր մարտկոց ու ավելի լավ տեսախցիկ: Այդ սարքի գինը  կազմելու է $180:

Ակնհայտ է, որ E4-ը գնելու ամենաառաջնային պատճառը շատերի համար դրա մատչելի գինն է, ինչն արդարացված է թվում, համեմատելով Motorola-ի հեռախոսը օրինակ  Samsung Galaxy J3-ի հետ, որն ավելի թանկ է, սակայն նկարում է ավելի վատ որակով:

Պետք է նշել նաև, որ E4-ի ապակյա էկրանը նրան թանկարժեք տեսք է հաղորդում, սակայն նույնը չի կարելի ասել կորպուսի հետևի մասին, որը պլաստիկից է:

Այնուամենայնիվ, հեռախոսն ունի մի շարք գրավիչ հատկանիշներ, որոնցից կարելի է առանձնացնել նաև մատնահետքի սենսորը որպես touchpad նավիգացիայի համար օգտագործելու հնարավորությունը:

Share.