Motorola-ի V3 ծալվող հեռախոսը կվերադառնա շուկա նոյեմբերին։

0

Ինչպես BlackBerry-ին և Nokia-ն վերաթողարկեցին իրենց հեռախոսների դասական մոդելները, այնպես էլ Motorola-ն չի ցանկանում զիջել իր մրցակիցներին։ Այսպիսով, ինչպես տեսնում եք, «ռետրո» հեռախոսները այս տարի վերադառնում են:

Առաջին անգամ Motorola-ի V3 բջջային հեռախոսը հայտնվել է շուկայում 2004 թվականին և շնորհիվ իր նորարարական դիզայնի, արագ կերպով դարձել բոլորի կողմից սիրված հեռախոս։

Այժմ Motorola-ն որոշել է նոր կյանք տալ իր RAZR հեռախոսին։ Համախմբելով իր ուժերը բրիտանական Binatone ընկերության հետ՝ վերջիններս միահամուռ ջանքերով որոշել են  ստեղծել Binatone Blade-ը։

Հեռախոսը բավականին պարզ է։ Այն, իհարկե, աջակցում է հիմնական ծրագրերը, ինչպիսիք են զարթուցիցչը և հաշվիչ, սակայն սոցիալական ցանցեր բաժնի հավելվածները, ինչպիսիք են Facebook-ը կամ Instagram-ը, բացակայում են:

Եվ իհարկե, այն ունի նաև ներկառուցված խաղեր՝ Snake և Tetris։

Այլ առանձնահատկություններից նշենք, MP3 նվագարկիչը, երկակի SIM քարտի հնարավորությունը, ինտերնետ կապը, թեև դեռևս պարզ չէ, թե դա 2G, 3G, թե 4G է:

Գնային առումով Binatone Blade-ը զգալիորեն ավելի էժան է, քան իր նախորդ տարբերակը՝ RAZR-ը, որի գինը այն ժամանակ £800 էր։ Binatone Blade-ի արժեքը կազմում է մոտավորապես 66 դոլար (£ 50):

Binatone ընկերության կարծիքով, այս հեռախոսը մեծ պահանաջարկ կվայելի այն մարդկանց շրջանում, ովքեր հիմնականում չեն օգտվում սոցիալական ցանցերից։

Սակայն հարցազրույցի ընթացքում ընկերության ղեկավար Dino Lalvani-ին նշել է․ «Մեզանից շատերը այժմ ունեն երկու բջջային հեռախոս և Binatone Blade-ը կարող է դառնալ այդ երկրորդ հեռախոսը։ Նախագծելով Blade-ը՝ մենք ցանկացել են ստեղծել հնարավորին փոքր, բարակ և թեթև հեռախոս»։

Ակնկալվում է, որ Binatone Blade-ը հասանելի կլինի արդեն նոյեմբերին:

Blade-black

Share.