Նոր տրանսպորտային միջոցը կարող է 2 ժամում փոխադրել Ձեզ Նյու Յորքից դեպի Պեկին

0

Ապագայի համար նախատեսված տրանսպորտային միջոցները մշակվում են արդեն իսկ այսօր։ Ինքնավար ավտոմեքենաները, թռչող ավտոմեքենաները և ֆուտուրիստական Hyperloop-ը ընդամենը մի քանի ուշագրավ օրինակներ են: Սակայն գոյություն ունի հասարակական տրանսպորտի մեկ այլ գաղափար նախատեսված հաջորդ սերնդի համար։ Առաջին հայացքից կարող է թվալ, որ այս նոր տրանսպորտային միջոցը նման է Hyperloop-ին (վակուումային գնացքի նախագիծ, որն առաջարկվել է 2012-2013թթ-ին միլիարդատեր Իլոն Մասկի կողմից և այժմ գտնվում է զարգացման փուլում) սակայն այն էապես տարբերվում է։ Ընկերության գլխավոր տնօրեն Daryl Oster-ը բացատրում է, թե ինչումն է տարբերությունը։

high-speed-tube-01-650x411

«ET3: Մենք կոչում ենք այն mag-lev Limo, որտեղ մեքենայի չափսի տրանսպորտային միջոցը տեղաշարժվում է խողովակների ցանցով, ինչպես հասարակ մեքենաները ավտոմայրուղիով», – նշել է Oster-ը 2017 թվականի Smart Cincy ժողովի ժամանակ և խոստացել, որ այն լինելու է միջազգային նախագիծ։

«Մեր նպատակն է ստեղծել այնպիսի տրանսպորտային միջոց, որով, օրինակի համար հնարավոր լինի ճանապարհորդել ԱՄՆ-ի Ցինցինատին քաղաքից դեպի Թաջ Մահալ երեք ժամում դրա դիմաց վճարելով ընդամենը 50 դոլլար», – ավելացրել է Oster-ը։ Ըստ էության, սա խողովակների մի ցանց է, որը ծառայում է որպես «արագընթաց ավտոմայրուղի», որը կարող է հասանելի լինել աշխարհի տարբեր կետերում։

Խողավակային տրանսպորտի ապագան

Իհարկե ET3 դեռևս գտնվում է կոնցեպտային փուլում, սակայն Hyperloop արդեն զարգացման փուլում է։ Գաղափարը հայտնվելուց անմիջապես հետո երկու նշանավոր ընկերություններ արդեն իսկ զարգացնում են իրենց սեփական Hyperloop-ը Միացյալ Նահանգներից դեպի Դուբայ:

GlobalET3Map

Ինչպես նշել է Transit X-ի գլխավոր տնօրեն Մայք Սթենլին այս ամենը մոտեցնում է մեզ մեր «անհնարին երազանքին» ՝ ստեղծել ավտոմեքենաներից զերծ ազատ քաղաքներ հինգ տարվա ընթացքում։

Լավ, գուցե ոչ թե  մեքենաներից զուրկ քաղաքներ, այլ ապագա լի  թռչող ավտոմեքենարով, ինքնակառավարվող մեքենաներով և «խողովակային տրանսպորտային միջոցներից»։

Share.