MWC 2019-ին ներկայացված նոր նոթբուքները։

0

Բարսելոնայում տեղի ունեցած MWC 2019 շնորհանդեսի շրջանակներում ներկայացված բազում նորույթների շարքում էին նաև Lenovo ընկերության նոր նոթբուքները, որոնց թվում էր նաև ThinkPad X390 Yoga համակարգիչ-տրանսֆորմերը:

Ինչպես պնդում է ընկերությունը այս նոթբուքը, առաջին հերթին, նախատեսված է մասնագետների և բիզնես-օգտատերերի համար: Սարքը հագեցած է 13.3 դյույմանոց FHD (1920 × 1080 պիքսել) IPS էկրանով, որը հնարավոր է պտտել 360 աստիճան՝ փոխակերպելով համակարգիչը պլանշետի։

Նոթբուքը աշխատում է ութերորդ սերնդի Intel Core i7 պրոցեսորով և համալրված է DDR4-2400 օպերատիվ հիշողությամբ, որը  ցանկության դեպքում հնարավոր է  ընդլայնել մինչև 16 GB:

Իսկ տվյալների պահպանման համար առաջարկվում է արագ PCIe SSD՝ 1 TB հիշողությամբ:

Բացի այս Lenovo-ն ներկայացրել անլար ականջակալեր՝ ThinkPad X1 ANC-ը և Yoga ANC-ը:

 

MWC 2019 տեխնոլոգիական միջոցառման ընթացքում Huawei ընեկրությունը նույնպես հանդես է եկել մի շարք նորույթներով։ Huawei-ն ներկայացրել է երկու նոր նոթբուք։

Դրանցից մեկը՝ թարմացված MateBook X Pro-ն է, իսկ մյուսը միջին դասի Matebook X 14-ը։

Մետաղական հիմքով MateBook X Pro-ի հաստությունը ընդամենը 14.6 մմ է, իսկ էկրանը զբաղեցնում է դիմային մակերեսի  91%-ը:

MateBook X Pro-ն ունի  USB-C Thunder Bolt 3 միակցիչ և աշխատում է Intel Core i7 8565U պրոցեսորով։

Արտաքնապես նոր MateBook X Pro-ն նախորդ սերնդից էապես չի տարբերվում։ Նոր մոդելում նոութբուքի վրա  նշված է ընկերության անվանումը: Սարքը հասանելի է երկու գույնային տարբերակով՝ Space Glay և  Mystic Silver:

Ինչպես նշեցինք, բացի MateBook X Pro-ն ընկերությունը ներկայացրել է նաև միջին դասի Matebook X 14-ը, որն աշխատում է Intel Core I7 8565U պրոցեսորով։

Այս նոթբուքի գլխավոր առանձնահատկությունը այն է, որ վերջինիս մեկանգամյա լիցքավորումը հնարավորություն է տալիս սարքին աշխատել 15 ժամ շարունակ։

Նախնական տվյալների համաձայն, MateBook X Pro-ն կարժենա մոտավորապես 1600 եվրո, իսկ MateBook X 14-ը՝ 1200 եվրո:

 

Share.