NASA-ն $187.000 վարձատրությամբ Երկիր մոլորակի պաշտպանի աշխատանք է առաջարկում։

0

NASA-ն մոլորակների պաշտպանության սպայի նոր հաստիք է բացել տարեկան $187.000 աշխատավարձով:

ԱՄՆ-ի տիեզերական գործակալությունն այժմ փնտրում է ոչ թե այլմոլորակային կյանքի գոյության նշույլներ այլ մոլորակներում, այլ «մոլորակների պաշտպանության պատասխանատու», ով կարող է պաշտպանել Երկիր մոլորակը և նրա բնակիչներին այլմոլորակայինների ներխուժումից։

Այս պաշտոնը զբաղեցնող անձը պետք է լինի այնպիսի մարդ, ով կփորձի պաշտպանել մեր մոլորակը և թույլ չտալ, որպեսզի այլմոլորակային կասկածելի մանրէները և արտերկրային օբյեկտները ներմուծվեն դեպի Երկիր տիեզերական առաքելությունների ընթացքում։ Ինչպես նաև հակառակը․ առաջադրանքների ընթացքում, Երկրի օրգանիզմներն ու օրգանական նյութերը կարող են պատահաբար հայտնվել այլ մոլորակներում։

Սպայի պարտականություններն են՝ ղեկավարել մոլորակային պաշտպանությունը և ՆԱՏՕ-ի տիեզերական առաքելության շրջանակում՝ ապահովել ծրագրերի իրագործումը։

517204

Կատարյալ թեկնածու կհամարվի այն դիմորդը, ով պետական հաստատությունում՝ ղեկավար պաշտոնում առնվազն մեկ տարվա փորձ կունենա, բացի այդ գաղափար կունենա մոլորակային պաշտպանությունից, ինչպես նաև փորձ կունենա ինժեներա-տեխնիկական ոլորտում և պատրաստ կլինի մշտական ուղևորությունների։

Դիմումները ընդունվում են մինչև 2017 թվականի օգոստոսի 14-ը:

Այս պաշտոնը նախատեսված է նախնական երեք տարի պայմանագրով, սակայն կարող է երկարաձգվել լրացուցիչ երկուսով կախված պայմաններից:

Share.