Ներկայացվել է աշխարհի ամենաթանկարժեք արտաճանապարհային մեքենան

0

Վերջին տարիների ընթացքում աշխարհը ուղղակի խելագարվում է արտաճանապարհային մեքենաների համար:

Նույնիսկ այնպիսի հայտնի ընկերություններ, ինչպիսիք են Rolls-Royce-ը, Ferrari-ն, Lamborghini-ն և Aston Martin-ը, որոնք պատմության ողջ ընթացքում արտադրել են միայն սպորտային կամ բիզնես դասի մեքենաներ, վերջին տասնամյակում նույնպես թողարկել են արտաճանապարհային մեքեննաների իրենց տարբերակները:

Օրեր առաջ ամերիկյան Excell Auto Group ընկերությունը ներկայացրել է Kalrmann King մեքենան, որը դարձել է աշխարհի ամենաթանկարժեք արտաճանապարհային մեքենան՝ գերազանցելով բրիտանական արտադրության Bentley Bentayga-ին և Rolls-Royce Cullinan-ին։

Նորույթի արժեքը կազմում է 1,8 մլն դոլար:

Դուբայի միջազգային ավտոսրահում ներկայացված Kalrmann King-ը հանդիսանում է Bentley Bentayga-ի և Rolls-Royce Cullinan-ի աներևակայելի մի խառնուրդն:

Փոխադրամիջոցն ստեղծված է Ford F-550 մոդելի հիման վրա, կշռում է վեց տոննա:

Մեքենան ունի իսկապես տարբերվող դիզայն, որն առանձնանում է սուր անկյունների առատությամբ։ Այն հիշեցնում է ամերիկյան F-117 ինքնաթիռը, սակայն չորս անիվներով։

Ինչ վերաբերում է տեխնիկական բնութագրին, ապա նշենք որ Kalrmann King-ը հագեցած է 6,8 լ աշխատանքային ծավալով, 400 ձիաուժ հզորությամբ V10 շարժիչով, որը կարող է զարգացնել առավելագույնը 140 կմ/ժ արագություն:

Բացի այդ, Karlmann King-ի գնորդները կարող են պատվիրել մեքենան զրահապատ ապակիներով, ներսում 4K HD հեռուստացույցով, լուսավորվող առաստաղով, ներկառուցված սառնարանով, Nespresso սուրճի պատրաստման սարքով, չհրկիզվող պահարանով և այլ անհրաժեշտ հարմարություններով։

Եվ մեկ անգամ նշենք, որ ներկա պահին Karlmann King-ը աշխարհի ամենաթանկ արտաճանապարհային մեքենան է։

Share.