Ինչպես տարբերել վերանորոգված (ref) iPhone-ը նորից:

0

Նոր iPhone գնելիս բոլորս կանգնում ենք մի քանի կարևոր հարցերի առջև, թե արդյոք այն օրիգինա՞լ է, թե՞ կեղծ, նո՞ր, թե՞ վերականգնված։ Այնպես, որ ստորև կներկայացնենք, թե ինչպես տարբերել վերանորոգված (ref) iPhone-ը նորից:

Թե ինչպես պարզել նոր է սմարթֆոնը, թե վերանորոգված անհրաժեշտ է մուտք գործել սարքի կարգավորումների «հիմնական» (General)  բաժին։

Քայլ 1. Բացեք Կարգավորումները (Settings) –> Հիմնական (General) –> Սարքավորման մասին (About)

Քայլ 2. Այնուհետև ուշադրություն դարձրեք Մոդել (Model) տողի վրա և ստուգեք սմարթֆոնի մոդելը։

Այս կետում նշված է ձեր հեռախոսի մոդելը, և հենց առաջին իսկ տառից կարող եք հասկանալ, թե ինչ սմարթֆոն եք օգտագործում։

Ներկայումս Iphone-երում դուք կարող եք հանդիպել մեկ կամ երկու տառ, որին սովորաբար հաջորդում են թվեր 0-ից մինչև 9։ Նույինսկ սմարթֆոնի մոդելի առաջին տառը կարող է ինֆորմատիվ լինել և շատ բան ասել  սարքի մասին:

Ահա առաջին տառի չորս հնարավոր տարբերակները, և դրանց նշանակությունները։

M — նոր սարք, որը երբեք չի վերականգնվել կամ վերանորոգվել

F — վերականգնված սմարթֆոն, այսինքն ` refurbished

N — սպասարկման կենտրոնում երաշխիքի շրջանակում  փոփոխված սարք

P — անհատականացված սարք (Օրինակ՝ փորագրություն ունեցող սմարթֆոն)

Բացի այդ, ինֆորմատիվ են նաև վերջին երկու տառերը։ Այս նույն համարում նշվում է նաև երկիրը, որի համար նախատեսված է iPhone-ը:

Օրինակ՝

LL – ինչը նշանակում է, որ հետևյալ iPhone-ը ամերիկյան սարքավորում՝ երաշխավորված Apple-ի կողմից:

Եկեք դիտարկենք սմարթֆոնի հետևյալ մոդելը՝

MC922LL/A

Ինչպես տեսնում եք այն սկսվում է M տառով, ինչը նշանակում է, որ վերջինս բոլորովին նոր iPhone է, որը, առանց որևէ բացառությունների, սպասարկվում է Apple-ի կողմից։ Իսկ / գծիկից առաջ գտնվող LL տառեր վկայում են սարքի ծագման «տարածաշրջանի» մասին։

Այսպիսով, եթե ցանկանում եք ձեռք բերել նոր iPhone, ուշադիր եղեք, որ Ձեր սմարթֆոնի մոդելի առաջին տառը լինի M:

 

Share.