Իլոն Մասկը ներկայցրել է մանրամասներ Loop արագընթաց մայրուղու մասին:

Մայիսի 18-ին Իլոն Մասկը և Boring ընկերության գլխավոր տնօրեն՝ Սթիվ Դևիսը ներկայացրել են բարձր արագությամբ ստորգետնյա մայրուղիների՝ Loop նախագիծը, որը նախատեսում են իրականացնել ԱՄՆ-ի Լոս Անջելես քաղաքում։

Ըստ Իլոն Մասկի, այս ծրագիրը հնարավորություն կտա քաղաքացիներին շրջանցել խցանումները և տեղափոխվել քաղաքի մի մասից դեպի մյուսը կամ դեպի օդանավակայան, ընդամենը ութ րոպեի ընթացքում:

Տրանսպորտային միջոցի էլեկտրական պարկուճներից յուրաքանչյուրը կարող է տեղափոխել մինչև 16 մարդ։ Պարկուճի առավելագույն արագությունը կհասնի 241 կմ/ժ-ի, իսկ տոմսի արժեքը կլինի մոտավորապես 1 դոլար։ Արդյունքում քաղաքացիները կխնայեն իրենց ժամանակը և գումարը։

Խասակցության ընթացքում Մասկը նշել է, որ Loop-ը պետք է կազմի տրանսպորտային համակարգի անբաժանելի մի մասը: The Boring ընկերությունն արդեն իսկ սկսել է համագործակցել տեղական մետրոպոլիտենի հետ՝ այս նախագիծը իրականացնելու նպատակով։

Ստորգետնյա էլեկտրական ավտոբուսների օգնությամբ հնարավոր կլինի նաև փոխադրել մեքենաներ, սակայն, նախ և առաջ, այս ծրագիրը նախատեսված է այն մարդկանց համար, ովքեր ավտոմեքենա ձեռք բերել հնարավորություն չունեն։

Ընկերությունը պատրաստվում է սկսել նախագծի իրականացումը մոտ 4 կմ երկարությամբ՝ թեստային ստորգետնյա թունելից։

Ընկերության ղեկավարները պարզաբանեցին նաև Loop-ի և Hyperloop-ի տարբերությունը։ Այսպիսով, ի տարբերություն Hyperloop-ի, Loop ստորգետնյա թունելների երթևեկությունը տեղի է ունենում առանց վակուումի։ Եվ ինչպես նշում է Մասկը, չնայած այս տարբերությանը, երկու համակարգերը կկարողանան փոխազդել:

Նշենք, որ դեռևս 2017 թվականին The Boring ընկերությունը նախատեսում էր կառուցել Loop Չիկագոյում: