Nokia-ն ներկայացվել է ապակյա Nokia 7 սմարթֆոնը։

0

Ինչպես գիտեք, տարիներ առաջ Nokia-ն աշխարհի ամենախոշոր բջջային հեռախոսներ արտադրող ընկերություններից մեկն էր, սակայն iPhone-ի և Android սմարթֆոնների առաջ գալուց հետո Nokia-ն հայտնվեց հետին պլանում։ Ավելի ուշ՝ 2016 թվականին, ֆիննական HMD Global ընկերությունը գնելով հեռախոսային բիզնեսի մի մասը թույլատրություն է ստացել թողարկել սմարթֆոններ Nokia ապրանքանիշի տակ:

Այս տարի արդեն իսկ չորս սմարթֆոն թողարկելուց հետո՝ ընկերությունը ներկայացրել է իր նոր Nokia 7-ը։ Միջին մակարդակի այս սմարթֆոնը հագեցած է կրկնակի տեսախցիկներով և «bothie» ծրագրային ապահովմամբ, որը թույլ է տալիս միառժամանակ լուսանկարել և՛ առջևի, և՛ ետևի տեսախցիկով: Տեսախցիկները համապատասխանաբար 16 և 5 մեգապիքսել են։

5.2 դյույմանոց հեռախոսը հագեցած է Full HD (1920 х 1080 պիքսել) թողունակությամբ դիսփլեյով, իսկ ապակյա և ալյումինե կորպուսի ներքո գտնվում է 8 միջուկանի Qualcomm Snapdragon 630 պրոցեսորը, 4 GB կամ 6 GB  օպերատիվ հիշողությունը և 3,000 մԱԺ մարտկոցը: Սմարթֆոնը հասանելի է 64 GB ներկառուցված ֆլեշ հիշողությամբ, որը կարող է ընդլայնվել մինչև 128 GB microSD քարտի օգնությամբ։

Սմարթֆոնը տրամադրում է 2 SIM քարտի հնարավորութուն, ինչպես նաև աջակցում 4G VoLTE, Wi-Fi, Bluetooth 5, GPS, USB Type-C:

Հավելենք, որ սմարթֆոնը աշխատում է Android 7.1.1 օպերացիոն համակարգով։

Nokia 7-ը դեռևս հասանելի է միայն Չինաստանում սև և սպիտակ գունային տարբերակներով։ Մեկնարկային գինը մոտավորապես 375 ԱՄՆ դոլար է, սակայն կախված պահեստային և օպերատիվ հիշողությունից սմարթֆոնի արժեքը կարող է ավելանալ լրացուցիչ 20 դոլլարով։

Հիմնական առանձնահատկությունները

  • 5.2-inch, 1,920×1,080-pixel դիսփլեյ
  • Qualcomm Snapdragon 630 պրոցեսքր
  • 4GB/6GB RAM, 64GB/128GB ներքին հիշողություն
  • Դուալ-տեսախցիկ 16MP և 5MP
  • 5MP սելֆիների համար նախատեսված տեսախցիկ
  • Android 7.1.1 Nougat
  • Չափսերը՝ 141,2 x 71,45 x 7,92 մմ

 

Share.