«Մատրիցա» ֆիլմի հայտնի Nokia հեռախոսը վերադառնում է շուկա

0

Ինչպես արդեն գիտեք անցած տարի Nokia-ն վերաթողարկեց իր հայտնի 3310 հեռախոսը, իսկ այս տարի Բարսելոնայում անցկացվող Mobile World Congress 2018–ի շրջանակներում ընկերությունը պաշտոնապես ներկայացրեց իր նոր սմարթֆոնները, որոնց շարքում էր նաև ընկերության լեգենդար 8110 մոդելը։

Առաջին անգամ Nokia 8110 բջջային հեռախոսը շուկա է դուրս եկել 1996 թվականին և ստացել «Բանան» անվանումը՝ շնորհիվ իր դիզայնի և կոր կորպուսի։ Վերջինս լայն ճանաչում է ձեռք բերել հանրահայտ «Մատրիցա» ֆիլմում «նկարահանվելուց» հետո:

Այսպիսով, ավելի քան 20 տարի անց, HMD Global ընկերությունը, որն իրավունք ունի թողարկել սարքավորումներ Nokia ապրանքանիշի ներքո, որոշել է շուկա վերադարձնել բջջային հեռախոսի այս հայտնի մոդելը, սակայն այս անգամ արդեն 4G-ով և, իհարկե, Wi-Fi-ով։

Թարմացված տարբերակը կոչվում է 8110 4G։ Նորացված հեռախոսը ունի QVGA 2.4 դյույմանոց գունավոր էկրան, Qualcomm 205 պրոցեսոր, 4 GB հիշողություն և LTE ցանցին միանալու հնարավորություն: Բացի այդ սարքն համալրված է 2 megapixel հիմնական տեսախցիկով։ Մարտկոցի հզորությունը 1200 մԱ/ժ է։ Ինչպես նշում է արտադրողը, «սպասման» ռեժիմում, այն կարող է ապահովել շուրջ 25-օրյա աշխատանք։

Նշենք, նաև որ Nokia 8110-ը աշխատելու է Smart Feature OS օպերացիոն համակարգով։ Ինչը նշանակում է, որ օգտատերերը կարող են օգտվել այնպիսի հավելվածներից ինչպիսիք են՝ Google Search-ը, Google Maps-ը, Facebook-ը, Twitter-ը, և մի շարք այլ ծառայություններ։ Սմարթֆոնում առկա է շատերի կողմից սիրված «Snake» կոչվող բջջային խաղը, ինչպես նաև՝ ներկառուցված 16 ringtone։

Իհարկե, այս մոդելը իր տեխնիկական բնութագրով զիջում է ներկայիս սմարթֆոններին, սակայն իր մատչելի արժեքի համար բավական լավ լուծում է։

8110 4G հեռախոսը կներկայացվի գնորդներին երկու գունային տարբերակով՝ սև և դեղին (Banana Yellow)։

Սմարթֆոնի նախնական շուկայական արժեքը 79 եվրո է։

Այն դուրս կգա վաճառքի մոտակա ամիսներին (ամենայն հավանականությամբ 2018 թվականի մայիսին)։

81102HsWtbQhc6AreWCvbBG7Panokia-8110-4g

Share.