Nokia-ն ներկայացրել է  5 տեսախցիկով առաջին սմարթֆոնը։

0

Բարսելոնայում տեղի ունեցած MWC 2019 տեխնոլոգիաների ամենամյա ցուցահանդեսի շրջանակներում Nokia-ն պաշտոնապես ներկայացրել է Nokia 9 PureView առաջատար սմարթֆոնը, որն ունի հինգ տեսախցիկ:

Ինչպես արդեն ակնհայտ է, նորույթի գլխավոր առանձնահտկությունը տեսախցիկն է։

Սմարթֆոնի հետևի հատվածում տեղակայված ZEISS հիմնական տեսախցիկը բաղկացած է հինգ առանձին մոդուլներից: Հետաքրքիրն այն է, 12  մեգափիքսելանոց (f/1.8.) բոլոր մոդուլներն աշխատում են միաժամանակ։

Երբ նկարահանում եք միայն մեկ մոդուլով, ապա լուսանկարը չպետք է զբաղեցնի մեծ ծավալ հիշողություն մեջ, սակայն միարժամանկ հինգ տեսախցիկով լուսանկարելու դեպքում նկարների ծավալը կարող է հասնել 25-ից մինչև 40 Մբ:

Սմարթֆոնի ստեղծողները պնդում են, որ «տեսախցիկները ավտոմատ կերպով կարգավորում է էքսպոզիցիան և փոխանցում է մինչև տաս անգամ ավել լույս»:

Նշենք նաև, որ սելֆիների համար նախատեսված դիմային տեսախցիկի հզորությունը 20 մեգապիքսել է։

Կարևոր է այն, որ սմարթֆոնը չունի լայնանկյուն տեսապակիով տեսախցիկներ և բոլոր էֆֆեկտները իրականանում են ծրագրային մեթոդով, որը կարելի է կոչել «HDR»: Տեսախցիկներից երեքը մոնոքրոմ են, իսկ երկուսը՝ գունավոր:

Անդրադառնալով սմարթֆոնի տեխնիկական բնութագրին նշենք, որ նորույթը հագեցած է 5.99 դյույմ անկյունագծով QHD+ էկրանով և ունի ջրի և փոշու պաշտպանվածություն համապատասխան IP67 ստանդարտին։

Սմարթֆոնի կորպուսը պատրաստված է մետաղից և Gorilla Glass 5 ապակուց:

Nokia 9 PureView սմարթֆոնն աշխատում է Qualcomm Snapdragon 845 պրոցեսորով` 3 հազար մԱ/ժ հզորությամբ մարտկոցով:

Նորույթն ունի 6GB օպերատիվ և 128 GB ներքին հիշողության, որը microSD-ի  օգնությմաբ հնարավոր է ընդլայնել մինչև 512 GB։

Nokia 9 PureView-ն հասանելի կլինի ԱՄՆ-ում արդեն իսկ այս տարվա մարտ ամսին: Նորույթի արժեքը կկազմի մոտավորապես 700 դոլար:

Share.