Google-ը ստեղծում է իր հեռախոսը, և դա Nexus-ը չէ

0

Արդյոք Google-ը կկարողանա՞ ստեղծել iPhone 7-ին մրցակից հեռախոս:

Android հեռախոսները, իհարկե, շատ տարածված են, սակայն, դրանք ամբողջապես Google-ի ղեկավարության տակ չեն գտնվում, քանի որ այն չի արտադրում hardware: Սակայն կարծես թե, կազմակերպությունը պլանավորում է հետևել Apple-ի օրինակին՝ արտադրելով և՛ hardware, և՛ software:

Ներկայումս Google phone կոչվելուն ամենամոտիկը գտնվում են Nexus հեռախոսները, ինչպես օրինակ՝ Nexus 6P-ն և Nexus 5X-ը: Չնայած, որ դրանք աշխատում են Android համակարգով, սակայն hardware-ի ապահովումն արվում է այլ կազմակերպությունների կողմից:

Ինչպես հաղորդում է The Telegraph-ը՝ դա կարող է շուտով փոխվել, քանի որ Google-ը բանակցությունների մեջ է գտնվում հեռախոսային օպերատորներ հետ սեփական հեռախոսի թողարկման վերաբերյալ:

Հավանաբար, սարքը կթողարկվի մինչև այս տարվա վերջ և թույլ կտա Google-ին իր ղեկավարության տակ ունենալ և՛ հեռախոսի դիզայնը, և՛  software-ն ու արտադրությունը՝ ետ պահելով Android-ը ավելի մասնատվելուց:

Վերլուծաբան Բեն Վուդը, խոսելով The Telegraph-ի հետ, նշել է, որ Google-ը վախենում է Android-ի մասնատումից և ցանկանում է այն ավելի կառավարելի հարթակի վերածել, ինչպես որ Apple-ն է աշխատում:

Իհարկե, Google-ը երբեք չի փակի Android-ը այլ արտադրողների համար, քանի որ դրա հաջողության բանալին հենց այն է, որ հասանելի է բոլորի համար, սակայն սեփական հեռախոսի թողարկումը թույլ կտա Google-ին ներկայացնել իր տեսլականին համապատասխան արտադրանք:

Ինչ վերաբերում է Nexus հեռախոսներին, ապա Google-ը շարունակելու է զբաղվել դրանցով, և այս տարի սպասվում են երկու նոր հեռախոսներ:

Եթե Google-ը իր արտադրանքին ավելացնի նաև հեռախոսը, ապա կունենա բավականին մեծ բազմազանություն պրոդուկտների հարցում, սակայն, ամեն դեպքում, այս լուրը դեռևս խոսակցությունների փուլում է գտնվում:

Share.